12.01.2026 | 09:49
Թրամփը՝ «Վենեսուելայի նախագահի պաշտոնակատար»․ ԱՄՆ նախագահը truthsocial-ում լուսանկար է հրապարակել
Գլխավոր դատախազությունը հրաժարվում է մեկնաբանել Վարդան Ղուկասյանին առնչվող դատական որոշումը
Հասարակություն
03.10.2025 | 15:43
Հայաստանի գլխավոր դատախազությունը չի մեկնաբանում ԴՕԿ կուսակցության պատվավոր նախագահ Վարդան Ղուկասյանին ՀՀ-ին չարտահանձնելու՝ ԱՄՆ միգրացիոն դատարանի որոշումը։
Հիշեցնենք՝ ԱՄՆ միգրացիոն դատարանի որոշմամբ ԴՕԿ կուսակցության պատվավոր նախագահ Վարդան Ղուկասյանը չի արտահանձնվի Հայաստան։ Այս մասին հայտնել էր ԴՕԿ կուսակցության ֆեյսբուքյան էջը։
Ըստ հաղորդագրության՝ դատարանը գտել է, որ Վարդան Ղուկասյանի կողմից թույլ են տրվել միգրացիոն կարգի խախտումներ, ուստի՝ պետք է լքի ԱՄՆ-ի սահմանները։ Վարդան Ղուկասյանի փաստաբան Լևոն Բաղդասարյանից Factor.am-ը հետաքրքրվեց՝ ի՞նչ է պատրաստվում անել Ղուկասյանը դատարանի՝ ԱՄՆ սահմանները լքելու որոշումից հետո։
«ԱՄՆ-ն առաջարկել է լքել սահմանները, իրավական գործընթաց կա, որպեսզի գործառույթներ իրականացվեն։ Օրենսդիրը կարգավորում է, որ օրենքով բողոքարկելու դեպքում տվյալ ակտը օրինական ուժ չի ստանալու։ Հիմա չեմ կարող ասել բողոքարկվելու է, թե՝ ոչ, դատական ակտը կկարդամ, կհասկանմ»,-ասաց նա։
Նարեկ Կիրակոսյան
