18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
Արամ Հարությունյանի և Միհրան Պողոսյանի նկատմամբ չկա հարուցված քրեական գործ. ՀՔԾ պետ. ՏԵՍԱՆՅՈՒԹ
Հասարակություն
25.10.2018 | 12:22
Հատուկ քննչական ծառայության պետ Սասուն Խաչատրյանը հրաժարվում է նշել այն պատգամավորի անունը, որը, ինչպես երեկ հայտարարեց վարչապետի պաշտոնակատար Նիկոլ Փաշինյանը, առաջիկայում կալանավորվելու է խոշոր կաշառքի գործով:
«Որևէ մեկնաբանություն չեմ անի»,- պատասխանելով Factor.am-ի հարցին՝ ասաց ՀՔԾ պետը:
Մեր հարցին՝ մամուլում շրջանառվում է բնապահպանության նախկին նախարար, ԱԺ ՀՀԿ խմբակցության պատգամավոր Արամ Հարությունյանի անունը, նրա նկատմամբ կա՞ հարուցված քրեական գործ, Սասուն Խաչատրյանն ասաց. «Անձի նկատմամբ, եթե գործ լինի հարուցված, ապա նա պետք է ունենա կասկածյալի կամ մեղադրյալի կարգավիճակ: Նշված անձը տվյալ գործով մեղադրյալի կամ կասկածյալի կարգավիճակ չունի»:
Ինչ վերաբերում է ԱԺ ՀՀԿ պատգամավոր, ԴԱՀԿ նախկին պետ Միհրան Պողոսյանին, ապա Սասուն Խաչատրյանը տվեց նույն պատասխանը՝ նշելով, որ նրա նկատմամբ ևս քրեական գործ չկա:
Մանրամասները՝ տեսանյութում:
Շողիկ Գալստյան
