29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Բաքուն՝ Կոպենհագենում կայացած Փաշինյան-Ալիև հանդիպման մասին
Քաղաքականություն
02.10.2025 | 14:05
Կոպենհագենում Եվրոպական քաղաքական համայնքի գագաթնաժողովի շրջանակում ՀՀ վարչապետ Նիկոլ Փաշինյանի ու Ադրբեջանի հանդիպումից մանրամասներ է հայտնել նաև ադրբեջանական կողմը։ Նշվում է, որ հանդիպմանը կողմերն ընդգծել են ԱՄՆ նախագահ Դոնալդ Թրամփի նախաձեռնությամբ Վաշինգտոնում կայացած խաղաղության գագաթնաժողովում ձեռք բերված պայմանավորվածությունների կարևորությունը։
Նրանք ևս մեկ անգամ հաստատել են իրենց պատրաստակամությունը՝ շարունակելու Հայաստանի և Ադրբեջանի միջև խաղաղության հետագա ամրապնդումը։
Ադրբեջանի նախագահը և Հայաստանի վարչապետն ընդգծել են տրանսպորտային հաղորդակցությունների առավելությունները տարածաշրջանի համար, քննարկել Ադրբեջանում ենթակառուցվածքների զարգացման ոլորտում առկա առաջընթացը և TRIPP նախագիծը Հայաստանում, ինչպես նաև մտքեր փոխանակել Վաշինգտոնի հռչակագրի իրականացման վերաբերյալ։
Այս առումով կողմերը ողջունել են ԵԱՀԿ Մինսկի գործընթացը և դրա հետ կապված կառույցները փակելու միաձայն որոշումը։
Հանդիպման ժամանակ կողմերն ընդգծել են վստահության ամրապնդման միջոցառումների հետագա իրականացման կարևորությունը և պայմանավորվել են շարունակել փոխադարձ շփումները։
Ավելի վաղ ՀՀ վարչապետի խոսնակ Նազելի Բաղդասարյանն էր մանրամասներ հայտնել Կոպենհագենում Փաշինյան-Ալիև հանդիպումից։
Թարգմանությունը՝ Էմմա Չոբանյանի
