19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Շնորհավորեցինք Վաշինգտոնում ՀՀ-ի հետ պատմական առաընթացը․ Ուրսուլա ֆոն դեր Լեյենն ու Անտոնիո Կոշտան հանդիպել են Ալիևին
Քաղաքականություն
02.10.2025 | 13:15
Ադրբեջանի նախագահ Իլհամ Ալիևը Կոպենհագենում Եվրոպական քաղաքական համայնքի գագաթնաժողովի շրջանակում հանդիպել է ԵՄ Խորհրդի նախագահ Անտոնիո Կոշտային ու Եվրոպական հանձնաժողովի նախագահ Ուրսուլա ֆոն դեր Լեյենին։ Այս մասին հայտնում է ադրբեջանական կողմը՝ հանդիպման մասին այլ մանրամասներ չհաղորդելով։
«Այսօր մենք շատ կառուցողական քննարկում ունեցանք Ադրբեջանի նախագահ Իլհամ Ալիևի հետ։ Մենք շնորհավորել ենք Ադրբեջանին Վաշինգտոնում Հայաստանի հետ ձեռք բերված վերջին պատմական առաջընթացի կապակցությամբ՝ ԱՄՆ նախագահ Դոնալդ Թրամփի աջակցությամբ»,- գրել է Կոշտան հանդիպման վերաբերյալ X-ի իր միկրոբլոգում։
Նա նշել է, որ դա տարածաշրջանում երկարատև խաղաղության հասնելու ուղղությամբ մեծ քայլ է։
«Մենք գնահատում ենք Ադրբեջանին որպես կարևոր գործընկերոջ և հանձնառու ենք մեր կապերն ամրապնդելուն։ Մենք կշարունակենք ներդրումներ կատարել տարածաշրջանային կապի մեջ՝ տրանսպորտի, էներգետիկայի և թվային տեխնոլոգիաների ոլորտներում՝ մեր «Գլոբալ դարպաս» ռազմավարության միջոցով»,- հավելել է Կոշտան։
Ուրսուլա ֆոն դեր Լեյենը X-ի իր միկրոբլոգում նույնաբովանդակ հայտարարություն է հրապարակել։
Թարգմանությունը՝ Էմմա Չոբանյանի
