01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Փաշինյանը խոստացավ Մինասյանի դեմ սուտ մատնության հայց ներկայացնել, եթե չհիմնավորի դավաճանությունը. ՏԵՍԱՆՅՈՒԹ
Քաղաքականություն
01.10.2025 | 20:12
«Դիմելու եմ Գլխավոր դատախազություն՝ պահանջելով, որ «Հայաստան» խմբակցության քարտուղար Արծվիկ Մինասյանը փաստեր հրապարակի իր հայտարարության առնչությամբ»,- այս մասին ԱԺ-Կառավարություն հարցուպատասխանի ժամանակ հայտարարեց վարչապետ Նիկոլ Փաշինյանը՝ պատասխանելով ՔՊ խմբակցության պատգամավոր Լուսինե Բադալյանի հարցին, թե ինչպես է Փաշինյանն արձագանքում Արծվիկ Մինասյանի այն հայտարարությանը ըստ որի՝ «փաստեր ունի, որ Նիկոլ Փաշինյանը պետական դավաճան է»։
«Դա պետք է հանրությանը ներկայացնել։ Բա, նման փաստ ունենա քաղաքական ուժը ու գա, խորհրդարանում երկու սուտի հարց տա, հետո թողնի կեսից փախչի՞։ Եթե փաստերը չհիմնավորվեն, Արծվիկ Մինասյանը, ինչո՞ւ չէ, պետք է դատվի սուտ մատնության համար»,- արձագանքեց Փաշինյանը։
Հիշեցնենք՝ «Հայաստան» խմբակցության քարտուղար Արծվիկ Մինասյանը FactorTV-ի -ի տաղավարում հայտարարել էր՝ «փաստեր ունի, որ Փաշինյանը պետական դավաճանություն է իրականացրել և շարունակում է»։
Մանրամասները՝ տեսանյութում։
Մանյա Պողոսյան
