11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Բաքվում Ռուբեն Վարդանյանի շինծու գործերով հերթական նիստն է տեղի ունեցել
Քաղաքականություն
01.10.2025 | 11:44
Արցախի նախկին պետնախարար Ռուբեն Վարդանյանի նկատմամբ հարուցված շինծու գործերով հերթական դատական նիստն է տեղի ունեցել Բաքվի զինվորական դատարանում։ Ադրբեջանական լրատվամիջոցների հաղորդմամբ՝ Զեյնալ Աղաևի նախագահությամբ կայացած նիստում դատավորը հայտնել է, որ Իսլամ Աղաքերիմովը, որը նախկինում մասնակցել է նախապատրաստական դատական նիստին որպես թարգմանիչ, հեռագիր է ուղարկել, որ առողջական խնդիրների պատճառով չի կարող մասնակցել դատավարությանը։
Նշվում է, որ նախորդ նիստերից մեկում Ռուբեն Վարդանյանը դատարանին դիմել էր խնդրանքով՝ կանչել նախկինում որպես թարգմանիչ մասնակցած Աղաքերիմովին։
Նիստի ընթացքում Վարդանյանի փաստաբան Ավրաամ Բերմանը դիմել է դատարանին՝ հայտարարելով, որ ցանկանում են ստանալ նիստերի արձանագրությունների վերաբերյալ տեղեկատվություն: Նա նաև նշել է, որ պաշտպանության կողմին տրամադրվել են դատարանի որոշ որոշումներից հատվածներ և խնդրել տրամադրել մնացածը։
Աղաևը նշել է, որ պաշտպանության կողմին կշարունակվի տրամադրվել նիստերի արձանագրություններին ծանոթանալու հնարավորություն:
Դատավարությունը շարունակվել է «տուժողների» և իրավահաջորդների հարցաքննությամբ։
Հաջորդ դատական նիստը նշանակվել է հոկտեմբերի 7-ին։
Թարգմանությունը՝ Էմմա Չոբանյանի
