23.06.2026 | 21:42
ՀՀ ԱԳ փոխնախարարը ԵՄ պաշտոնյայի հետ քննարկել է Հայաստանի տնտեսական դիմակայունության և նոր շուկաների բացահայտման հարցեր
Ուկրաինայի ԱԳ նախարարն Արարատ Միրզոյանին Կիև է հրավիրել․ հանդիպում Վարշավայում
Քաղաքականություն
30.09.2025 | 11:05
Վարշավայի Անվտանգության ֆորումի շրջանակում հանդիպում են անցկացրել Հայաստանի ԱԳ նախարար Արարատ Միրզոյանն ու Ուկրաինայի ԱԳ նախարար Անդրեյ Սիբիհան։
Մասնավորապես, X-ի իր միկրոբլոգում Սիբիհանա հայտնել է, որ Վարշավայում բովանդակալից զրույց է ունեցել հայ գործընկերոջ՝ Արարատ Միրզոյանի հետ։
«Քննարկել ենք մեր երկկողմ օրակարգը, Հարավային Կովկասում տիրող իրավիճակը և վերջին աշխարհաքաղաքական զարգացումները, մտքեր փոխանակել ՄԱԿ-ի Գլխավոր վեհաժողովի բարձր մակարդակի շաբաթվա արդյունքների վերաբերյալ։Մենք համաձայնել ենք շարունակել զարգացնել մեր երկկողմ հարաբերությունները և քննարկել, թե ինչ կարող ենք անել միասին՝ Եվրոպայում համապարփակ, արդար և երկարատև խաղաղություն հաստատելու համար»,- նշել է Սիբիհան՝ հավելելով, որ նախարար Միրզոյանին հրավիրել է այցելել Կիև։
Արարատ Միրզոյանն իր հերթին X-ում նշել է, որ խորաթափանց զրույց է ունեցել ուկրաինացի գործընկերոջ հետ։
«Մենք համաձայնել ենք զարգացնել Հայաստան-Ուկրաինա համագործակցությունը և ընդլայնել երկկողմ օրակարգը։ Ներկայացրել եմ Հարավային Կովկասում խաղաղության հաստատման մասին։ Ընդգծել ենք Ուկրաինայում խաղաղության հասնելու կարևորությունը։ Կարծիքներ ենք փոխանակել ստեղծված իրավիճակի վերաբերյալ»,- գրել է ՀՀ ԱԳ նախարարը։
Թարգմանությունը՝ Էմմա Չոբանյանի
