«Թրամփի ուղու» հետ կապված քննարկումները սկսվել են․ ամերիկյան պատվիրակությունը վերջերս այցելել է Հայաստան․ Փաշինյան

Ամերիկյան պատվիրակությունը վերջերս այցելել է Հայաստան, «Թրամփի ուղու» հետ կապված քննարկումները սկսվել են։ Այս մասին Ստրասբուրգում լրագրողերի հետ ճեպազրույցում հայտնել է վարչապետ Նիկոլ Փաշինյանը։

Այս պահին, սակայն, ըստ Փաշինյանի՝ կոնկրետ պայմանավորվածություններ չկան, քանի որ քննարկումները շարունակվում են։

«Կարծում եմ՝ խնդիրը նաև այն է, որ Թրամփի ադմինիստրացիան գլոբալ օրակարգ ունի, բայց համոզված եղեք, որ դրանում ուղու օրակարգը շարունակում է գտնվել՝ և՛ ԱՄՆ-ի, և՛ միջազգային հանրության ուշադրության կենտրոնում, մեծ հետարքրություն կա»,- հայտարարել է Փաշինյանը։ 

Նա հավելել է, որ «Թրամփի ուղու»-ին քննարկվում է ՀՀ-ԱՄՆ երկկողմ ձևաչափով։

«Ցանկացած երրորդ կողմ կարող է ներգրավվել, երբ ՀՀ-ն ու ԱՄՆ-ն ձեռք կբերեն համաձայնություն: Մենք շահագրգռված ենք, որ մեզ համար վստահելի ավելի ու ավելի շատ գործընկերներ ներգրավվեն։ Բայց կոռեկտության առումով ֆիքսվել է, որ ՀՀ-ն ու ԱՄՆ-ն են թեման քննարկում, և երրորդ կողմերը կարող են ներգրավվել երկու կողմերի համաձայնության դեպքում»,- ասել է վարչապետը։

Ավելի վաղ էկոնոմիկայի նախարար Գևորգ Պապոյանը հայտնել էր, որ իրեն հրավիրվել են Միացյալ Նահանգներ՝ «Թրամփի ուղի» նախագծի հետ կապված մանրամասները քննարկելու։

«Ես ունեմ իմ տնային աշխատանքը, իրենք՝ իրենցը, որը կամփոփենք ու կգնանք ԱՄՆ կոնկրետ բանակցությունների՝ հայտարարելու նախագծերի մրցույթ, գնումների գործընթացի կազմակերպում»,- նշել էր նա։

Մանյա Պողոսյան