19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Ունե՞ք հաշվարկ՝ ինչ վնասներ է կրելու գյուղատնտեսությունը, երբ սահմանները բացվեն․ Խամոյանը՝ Պապոյանին․ ՏԵՍԱՆՅՈՒԹ
Տնտեսություն
29.09.2025 | 14:08
ԱԺ «Հայաստան» խմբակցության պատգամավոր Ագնեսա Խամոյանը Տարածաշրջանային և եվրասիական ինտեգրման հարցերի մշտական հանձնաժողովի նիստում էկոնոմիկայի նախարար Գևորգ Պապոյանին հարցրեց՝ թե ինչ է սպասվում գյուղացուն հայ-թուրքական սահմանի բացումից հետո, ունե՞ն հաշվարկ՝ ինչ վնասներ է կրելու գյուղատնտեսությունը։
Պապոյանը հավաստիացրեց, թե սահմանի բացումը չպետք է մտահոգի գյուղացիներին կամ առևտրականներին։ Ըստ Պապոյանի՝ երբ բացվում են մեծ հնարավորություններ, միշտ էլ կարող են փոքր կորուստներ լինել, սակայն, դրանք կարելի է կառավարել՝ ստանալով ավելի մեծ օգուտներ։
«Էական խնդիրներ չեն լինի։ Որոշ ապրանքատեսակների առումով կարող են փոքր դժվարություններ առաջանալ, բայց դրանք լիովին կառավարվելի են մեր ֆինանսական և ռեսուրսային հնարավորություններով։ Մենք ունենք անհրաժեշտ գործիքներ ու մեխանիզմներ՝ ապահովելու, որ այս գործընթացը բացասաբար չազդի քաղաքացիների վրա»,- ասաց նախարարը և հավաստիացրեց, որ կառավարությունը պատրաստ է աջակցել գյուղացուն և տնտեսությանը վտանգները կամ դժվարությունները նվազագույնի հասցնելու համար։
Մանրամասները՝ տեսանյութում։
Մանյա Պողոսյան
