01.11.2026 | 15:55
Հանրապետությունում ջերմաստիճանը կնվազի 4-7 աստիճանով
Դպրոցներում արգելել կամ սահմանափակել հեռախոսների օգտագործումը. քաղաքապետարանի նախաձեռնությունը․ ՏԵՍԱՆՅՈՒԹ
Հասարակություն
29.09.2025 | 10:40
Երևանի քաղաքապետարանն առաջարկում է սահմանափակել բջջային հեռախոսների օգտագործումը դպրոցներում։ Գործակարգավարական այսօրվա խորհրդակցության ժամանակ այս մասին հայտարարեց քաղաքապետարանի հանրակրթության վարչության պետ Մարգարիտ Խաչատրյանը։
«1-6-րդ դասարանցիներին բացարձակապես թույլ չտալ դասապրոցեսի, միջոցառումների, դասամիջոցների ժամանակ իրենց մոտ ունենալ միացված հեռախոսներ, առանձին դեպքերում երբ երեխան ստիպված պետք է բերի հեռախոսը դպրոց, այն դասերի սկզբին կհանձնվի դասղեկին, կլինի համապատասխան պահման վայրում և միայն դասերի ավարտից հետո թույլ կտրվի վերցնել։ 7-12-րդ դասարանցիների համար առաջարկվում է սահմանափակումներով օգտագործում՝ բացառապես կրթական նպատակներով, ուսուցչի հրահանգով և վերահսկողությամբ։ Սա կարող է շաբաթական 1-2 անգամ տեղի ունենալ»,- ներկայացրեց վարչության պետը։
Արձագանքելով այս նախաձեռնությանը՝ Երևանի քաղաքապետ Տիգրան Ավինյանն ասաց.
«Դպրոցականները սկզբում որոշակիորեն կընդվզեն մեր որոշմանը, բայց կրթության որակի, նրանց առօրյայի և նույնիսկ երջանկության վրա այս սահմանափակումները, վստահորեն, դրական ազդեցություն կունենան»։
Մանրամասները՝ տեսանյութում։
