12.01.2026 | 16:37
Վրաստանի նախկին վարչապետ Իրակլի Ղարիբաշվիլին դատապարտվելու է 5 տարվա ազատազրկման
Միչիգան նահանգի մորմոնական եկեղեցում կրակոցներ են հնչել, այն սկսվել է այրվել
Քաղաքականություն
28.09.2025 | 20:35
ԱՄՆ Միչիգան նահանգի Գրան Բլան քաղաքի մորմոնական եկեղեցում կրակոցներ են հնչել, հայտնում է Fox հեռուստաալիքը։
Աղբյուրների տվյալներով՝ 6-8 մարդ վիրավորվել է։ Նրանց առողջական վիճակի վերաբաերյալ տվյալներ չկան։
Կրակոցից հետո եկեղեցու շենքում հզոր հրդեհ է բռնկվել։
Ոստիկանությունը հայտնել է, որ կրակոցներ արձակողը սպանվել է։ Ենթադրվում է, որ նա գործել է միայնակ, քանի որ ոստիկանները հայտարարել են, որ բնակչությանը այլևս վտանգ չի սպառնում։ Հարձակման շարժառիթները դեռևս պարզ չեն։
Սա ԱՄՆ-ում մեկ օրվա ընթացքում տեղի ունեցած երկրորդ նման միջադեպն է։ Սեպտեմբերի 27-ի ուշ երեկոյան Հյուսիսային Կարոլինայի Սաութփորտ քաղաքում 40-ամյա մի տղամարդ կրակ է բացել նավամատույցի ավտոկայանատեղիում։ Զոհվել է երեք մարդ։ Կրակողը ձերբակալվել է, նրա շարժառիթները դեռ հայտնի չեն։
Օգոստոսի 27-ին Մինեապոլիսում կրակոցներ են հնչել կաթոլիկ դպրոցի պատարագի ժամանակ։ Զոհվել է երկու երեխա, վիրավորվել՝ ավելի քան 20 մարդ։
