12.01.2026 | 16:37
Վրաստանի նախկին վարչապետ Իրակլի Ղարիբաշվիլին դատապարտվելու է 5 տարվա ազատազրկման
Թրամփին Մոսկվա հրավիրելու առաջարկը մնում է ուժի մեջ․ Պեսկով
Քաղաքականություն
28.09.2025 | 19:21
ԱՄՆ նախկին նախագահ Դոնալդ Թրամփին Մոսկվայում հանդիպում անցկացնելու առաջարկը, որը հնչեցվել էր օգոստոսին Ալյասկայում կայացած գագաթնաժողովի ընթացքում, մնում է ուժի մեջ։ Այս մասին կիրակի՝ սեպտեմբերի 28-ին, ՌԴ նախագահի մամուլի քարտուղար Դմիտրի Պեսկովը հայտարարել է ռուսական «ՏԱՍՍ» լրատվական գործակալությանը։
«Հրավերն ուժի մեջ է, այն շարունակում է գործել։ Պուտինը պատրաստ է և ուրախ կլինի հանդիպել նախագահ Թրամփի հետ»,-նշել է Պեսկովը՝ պատասխանելով լրագրողի հարցին։
Նրա խոսքով՝ հետագա որոշումները պետք է ընդունի ամերիկյան կողմը․ «Ամեն ինչ կախված է Թրամփի որոշումից»։
Հիշեցնենք, որ օգոստոսի 15-ին Ալյասկայի Անքորիջ քաղաքում կայացած հանդիպման ժամանակ Դոնալդ Թրամփը հայտնել էր, որ հույս ունի կրկին հանդիպել Ռուսաստանի նախագահ Վլադիմիր Պուտինի հետ։ Վերջինիս՝ Մոսկվայում հանդիպելու առաջարկին Թրամփը պատասխանել էր․ «Դա լիովին հնարավոր է»։
