16.07.2026 | 10:14
Արման Ծառուկյանը չի բացառել մասնակցությունն Օլիմպիական խաղերին
Բոլոր շահագրգիռ կողմերի ձայնը լսելի պետք է դառնա․ ՀՀ ուղերձը COP17-ի նախաշեմին
Քաղաքականություն
28.09.2025 | 17:47
Սեպտեմբերի 26-ին Նյու Յորքում՝ ՄԱԿ ԳԱ 80-րդ նստաշրջանի շրջանակներում, կայացել է Հայաստանի և Կենսաբանական բազմազանության մասին կոնվենցիայի քարտուղարության նախաձեռնությամբ կազմակերպված «Ճանապարհ դեպի ՄԱԿ կենսաբազմազանության մասին կոնվենցիայի 17-րդ համաժողով» խորագրով հարակից միջոցառումը: Միջոցառմանը մասնակցել և բացման ելույթով հանդես է եկել ՀՀ ԱԳ նախարարի տեղակալ Ռոբերտ Աբիսողոմոնյանը: Որպես հիմնական բանախոս միջոցառմանը մասնակցել է ՀՀ շրջակա միջավայրի նախարար Համբարձում Մաթևոսյանը, ով ներկայացրել է COP17-ի կազմակերպման ՀՀ տեսլականը։
ԱԳ նախարարությունից հայտնում են, որ Ռոբերտ Աբիսողոմոնյանն անդրադարձել է 2026թ․ Հայաստանում կայանալիք Կենսաբանական բազմազանության մասին կոնվենցիայի կողմերի 17-րդ համաժողովին՝ ընդգծելով դրա շրջանակներում Կունմին-Մոնրեալի կենսաբազմազանության գլոբալ շրջանակի հանձնառությունների առաջին գլոբալ վերանայման անկյունաքարային նշանակությունը:
ՀՀ ԱԳ նախարարի տեղակալն իր խոսքում նշել է, որ COP17-ը նպատակաուղղված է հասցեագրելու ռեսուրսների մոբիլիզացման, Կոնվենցիայի կայուն ֆինանսական մեխանիզմի ձևավորման հարցերը, ինչպես նաև ապահովելու կենսաբազմազանությանն առնչվող որոշումների կայացման հարցերում բնիկ ժողովուրդների և տեղական համայնքների լիարժեք ներգրավվածությունը։
ԱԳ նախարարի տեղակալ Ռոբերտ Աբիսողոմոնյանը վերահաստատել է ՀՀ հանձնառությունը՝ ուղղված կառուցողական երկխոսության ապահովմանը և ներառական Համաժողովի կազմակերպմանը։ Անդրադարձ է կատարվել նաև վերջին շրջանում տարբեր միջազգային ձևաչափերում ՀՀ կողմից իրականացված նախաձեռնություններին և ընդգծվել է դրանց հիմքում ընկած բոլոր շահագրգիռ կողմերի ձայնը լսելի դարձնելու գաղափարը։
