02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
ՌԴ-ն հարձակվել է Ուկրաինայի վրա հրթիռներով և մոտ 600 անօդաչու թռչող սարքերով, այդ թվում՝ 2 ռեակտիվ «Բանդերոլ»-ներով․ Ուկրաինայի ԶՈւ
Քաղաքականություն
28.09.2025 | 12:31
Ռուսաստանը հրթիռներով և մոտ 600 անօդաչու թռչող սարքերով հարձակվել է Ուկրաինայի վրա, այդ թվում՝ երկու ռեակտիվ «Բանդերոլ» անօդաչուներով։ Այս մասին հայտնում են Ուկրաինայի զինված ուժերի մամուլի ծառայությունից։
ՌԴ ուժերը կիրակի գիշերը համակցված հարված են հասցրել Ուկրաինայի տարածքին՝ օգտագործելով հարվածային անօդաչու սարքեր (ԱԹՍ) և օդային ու ծովային բազավորման հրթիռներ։ Ուկրաինայի Ռազմաօդային ուժերի (ՈւԶՈւ) տվյալներով՝ արձանագրվել է 643 օդային հարձակման միջոց, փոխանցում է BBC-ի ռուսական ծառայությունը։
Հարձակման ժամանակ օգտագործվել է 593 տարբեր տեսակի ԱԹՍ, ինչպես նաև երկու ռեակտիվ «Բանդերոլ» տեսակի անօդաչու։
Բացի այդ, հաղորդագրության համաձայն, Ռուսաստանը կիրառել է երկու օդաբալիստիկ Х-47М2 «Կինժալ» հրթիռ, 38 Х-101 թևավոր հրթիռ և ութ «Կալիբր» թևավոր հրթիռ՝ Սև ծովի ջրատարածքից։ Հիմնական հարվածի ուղղությունը եղել է Կիևը։
10:30-ի դրությամբ «խոցվել կամ չեզոքացվել է» 611 օդային թիրախ, այդ թվում՝ երկու «Բանդերոլ» ԱԹՍ-ն, 566 այլ տեսակի ԱԹՍ, 35 Х-101 թևավոր հրթիռ և բոլոր ութ «Կալիբր»-ները։
«Հարձակումը շարունակվում է»,-զգուշացրել են Ռազմաօդային ուժերը։ Ռուսաստանի զինված ուժերը չեն մեկնաբանել հարվածները։
