31.05.2026 | 19:16
Մեզ սարքում են ՌԴ-ի թշնամի, տանում Ուկրաինայի ճանապարհով․ Քոչարյան․ ՏԵՍԱՆՅՈւԹ
Թրամփը հայտարարել է, որ զորքեր կուղարկի Պորտլենդ
Քաղաքականություն
28.09.2025 | 12:15
ԱՄՆ նախագահ Դոնալդ Թրամփի խոսքով՝ Պորտլենդ զորքեր ուղարկելու որոշումն անհրաժեշտ է ԱՄՆ-ի միգրացիոն և մաքսային ծառայությունների օբյեկտները պաշտպանելու համար, որոնք, նրա խոսքերով, պաշարված են բողոքի ակցիաների պատճառով։
Նա ընդգծել է՝ զորքեր կուղարկի Օրեգոն նահանգի Պորտլենդ քաղաք՝ «արտոնելով ուժի լիարժեք կիրառումը, եթե դա անհրաժեշտ լինի», որպեսզի պայքարի «ներքին ահաբեկիչների» դեմ։
Թրամփը հայտարարությունն արել է սոցիալական ցանցերում՝ գրելով, որ հանձնարարում է Պաշտպանության նախարարությանը «տրամադրել բոլոր անհրաժեշտ ուժերը՝ «պատերազմի պատճառով ավիրված Պորտլենդը պաշտպանելու համար»։
Թրամփի խոսքերով՝ այս որոշումը անհրաժեշտ էր ԱՄՆ-ի միգրացիոն և մաքսային կառույցները պաշտպանելու համար, որոնք, ըստ նրա, «պաշարված են Antifa-ի և այլ ներքին ահաբեկիչների կողմից»։
2020 թվականին Ջորջ Ֆլոյդի սպանությունից հետո Պորտլենդը դարձավ ռասայական արդարության ցույցերի կենտրոն, սակայն, ըստ տեղական պաշտոնյաների ու լրատվամիջոցների, քաղաքը վաղուց վերադարձել է բնականոն կյանքին։ Դաշնային դատարանի և ոստիկանության շենքի շուրջ պատնեշները հանվել են, և առօրյան վերականգնվել է։ Այնուամենայնիվ, նախագահը շարունակում է պնդել, որ քաղաքն «ապրել հնարավոր չէ» ու «կատարյալ անարխիա» է տիրում։
Նշենք, որ Antifa-ն ընդհանուր անվանումն է այն շարժումների, կազմակերպությունների և անհատների համար, ովքեր իրենց նպատակն են համարում ֆաշիզմի դեմ պայքարը։ Այն միավորում է կուսակցություններ ու կազմակերպություններ, տարբեր ինքնավար խմբեր, ինչպես նաև հասարակական կազմակերպություններ, որոնք պայքարում են նեոնացիզմի և ռասիզմի դեմ։
