01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Ալիևը ՄԱԿ-ում ելույթ է ունեցել կիսադատարկ դահլիճում
Քաղաքականություն
27.09.2025 | 14:06
Ադրբեջանի նախագահ Իլհամ Ալիևը նախօրեին ՄԱԿ-ում Գլխավոր ասամբլեայի 80-րդ նստաշրջանի շրջանակներում ելույթ է ունեցել կիսադատարկ դահլիճում։
Այս փաստի վրա ուշադրություն է հրավիրել արտերկրում բնակվող ադրբեջանցի ընդդիմադիր լրագրող Գանիմաթ Զայիդովը։
«Իլհամ Ալիևը ելույթ ունեցավ ՄԱԿ-ի դատարկ դահլիճում։ Նա նաև խաբում է հանրությանը, թե Նյու Յորք է գնացել կարևոր պետական միջոցառման համար։ Իրականում նա հավաքել է իր իրերը և գնացել Նյու Յորք՝ զբոսնելու։ Այնուհետև նա գնացել է ՄԱԿ և Բաքվից իր հետ բերած 5 մարդկանց դատարկ դահլիճում պատմել, թե ինչպես է Ադրբեջանում գործազրկությունը կրճատել մինչև 5 տոկոս», – գրել է լրագրողը ֆեյսբուքյան իր էջում՝ շնորհակալություն հայտնելով Ադրբեջանի առաջին տիկին ու փոխնախագահ Մեհրիբան Ալիևային «դատարկ դահլիճի լուսանկարները ժողովրդի հետ կիսվելու համար»։
«Նրա շնորհիվ է, որ մենք նաև իմացանք, որ Իլհամ Ալիևին, որը, ինչպես ասում են, կատարյալ արտաքին քաղաքականություն ունի, ՄԱԿ-ում բոյկոտել են Արևմուտքն ու Արևելքը, և նույնիսկ՝ Հարավն ու Հյուսիսը միաժամանակ։
Ալիևը ՄԱԿ-ի Գլխավոր ասամբլեայի 80-րդ նստաշրջանի միջոցառումներին մասնակցում է ընտանիքի անդամների հետ։ Նրան ուղեկցում են կինը` Մեհրիբան Ալիևան, դուստրերը՝ Արզու և Լեյլա Ալիևաները, նաև Լեյլայի երկու որդիները։
Թարգմանությունը Էմմա Չոբանյանի
