17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
ՌԴ Պետդումայի նախկին պատգամավորի նկատմամբ բռնաբարության գործով հետախուզում է հայտարարվել․ նա թաքնվել է նաև Երևանում
Քաղաքականություն
26.09.2025 | 17:29
ՌԴ քննչական կոմիտեն հետախուզում է հայտարարել Ռուսաստանի Լիբերալ-դեմոկրատական կուսակցությունից Պետդումայի նախկին պատգամավոր Յուրի Նապսոյի նկատմամբ։ Նա կասկածվում է 2023 թվականի մարտին 19-ամյա օգնականի բռնաբարության մեջ (Քրեական օրենսգրքի 131-րդ հոդվածի 1-ին մաս)։ Քրեական գործ է հարուցվել, նախկին պատգամավորին սպառնում է մինչև վեց տարի ժամկետով ազատազրկում, գրում է Կոմերսանտը։
Իրավապահ մարմինների աշխատակիցները պարզել են, որ ենթադրյալ միջադեպից մի քանի օր անց՝ 2023 թվականի ապրիլի 1-ին, Նապսոն Մինսկից թռել է Երևան և այդ ժամանակվանից ի վեր չի վերադարձել Ռուսաստան:
2025 թվականի ապրիլին նա վաղաժամկետ զրկվել է մանդատից՝ տարիներ շարունակ բացակայությունների պատճառով: Նախկինում ՌԴ Գլխավոր դատախազությունը դատական որոշումների միջոցով բռնագրավել էր նախկին պատգամավորի հետ կապված ավելի քան 1,2 միլիարդ ռուբլու արժողությամբ ակտիվներ՝ մեղադրելով նրան խորհրդարանական գործունեությունն ակտիվ գործարար գործունեության և կոռուպցիայի հետ համատեղելու մեջ:
Պետդումայի կանոնների և գործունեության ապահովման հանձնաժողովը պարզել էր, որ 2023 թվականի ապրիլից նախկին պատգամավորը բնակվում է Արաբական Միացյալ Էմիրություններում։ Պատգամավորն ինքը հայտարարել էր, որ 2023 թվականից ի վեր բուժման համար ԱՄԷ-ում է եղել։
Թարգմանությունը՝ Էմմա Չոբանյանի
