07.09.2026 | 12:12
Վթարային ջրանջատում Երևանում և մարզերում
Իրանն ու ՌԴ-ն 4 միջուկային էներգաբլոկի կառուցման վերաբերյալ 25 միլիարդ դոլարի համաձայնագիր են ստորագրել
Քաղաքականություն
26.09.2025 | 16:33
Իրանը և Ռուսաստանը ստորագրել են 25 միլիարդ դոլարի համաձայնագիր՝ չորս նոր միջուկային էներգաբլոկների կառուցման վերաբերյալ: Այս մասին հաղորդում է իրանական Mehr գործակալությունը։
Նշվում է, որ «Իրան Հորմոզ» ընկերության և «Ռոսատոմ»-ի միջև ստորագրվել է համաձայնագիր՝ Իրանի հարավում գտնվող Հորմոզգան նահանգի Սիրիկ քաղաքում 25 միլիարդ դոլար արժողությամբ չորս ժամանակակից երրորդ սերնդի էներգաբլոկ կառուցելու վերաբերյալ։
Իրանի ատոմային էներգիայի կազմակերպության (AEOI) խոսնակ Բեհրուզ Կամալվանդին այսօր ավելի վաղ Մոսկվայում հայտարարել էր, որ «Իրանը և Ռուսաստանը բանակցություններ են վարել Բուշերի կայանից ավելի մեծ կայանների կառուցման շուրջ»։ Նա այս հայտարարությունն արել է Մոսկվայում անցկացված «Ատոմ Էքսպո 2025» ցուցահանդեսի շրջանակում, որին մասնակցել է Իրանի պատվիրակությունը՝ AEOI-ի ղեկավար Մոհամադ Էսլամիի գլխավորությամբ։
Նա բարձր է գնահատել Ռուսաստանի և Իրանի համագործակցությունը երկրի հարավում գտնվող Բուշերի ատոմակայանի կառուցման գործում՝ նշելով, որ կայանը լիովին համապատասխանում է միջազգային չափանիշներին։
Թարգմանությունը՝ Էմմա Չոբանյանի
