03.10.2026 | 22:08
Հայաստանի հավաքականը ժամանել է Պոդգորիցա
Պետերբուրգում ՀՀ հյուպատոսարանում հայտնաբերված Բորիս Ավագյանի մարմինը կուղարկվի փորձաքննության
Հասարակություն
26.09.2025 | 14:24
Արցախի նախագահի հատուկ հանձնարարությունների գծով նախկին ներկայացուցիչ Բորիս Ավագյանի մարմինը, որը չորեքշաբթի հայտնաբերվել էր Սանկտ Պետերբուրգում Հայաստանի հյուպատոսության շենքում, այժմ դիահերձարանում է և կուղարկվի դատաբժշկական փորձաքննության։ Այս մասին ՌԻԱ Նովոստիին հայտնել են իրավապահ մարմիններից։
«Ավաgյանի մարմինը գտնվում է դիահերձարանում, մահվան պատճառը պարզելու համար կանցկացվի դատաբժշկական փորձաքննություն»,- ասել է գործակալության աղբյուրը։
Հիշեցնենք, որ նախնական տեղեկությունների համաձայն՝ Ավագյանն ինքնասպան է եղել հյուպատոսության շենքում։
Ավագյանը փակվել է զուգարանում և երկար ժամանակ դուրս չի եկել։ Կասկածելով, որ ինչ-որ բան այն չէ, հյուպատոսության աշխատակիցները զանգահարել են Արտակարգ իրավիճակների նախարարություն և շտապօգնություն։ Մասնագետները բացել են դուռն ու և գտել տղամարդուն՝ անգիտակից վիճակում։ Ավելի ուշ նա մահացել է։
Մահվան դեպքից մեկ օր առաջ Ավագյանը փախել էր դատարանի դահլիճից։ Նա ձերբակալվել էր Սանկտ Պետերբուրգում սեպտեմբերի 18-ին՝ սահմանի անօրինական հատման և փողերի լվացման մեղադրանքով։
Մահից մեկ օր առաջ նա տեսաուղերձ էր ձայնագրել՝ խնդրելով, որ իրեն արտահանձնեն Հայաստանին։
Թարգմանությունը՝ Էմմա Չոբանյանի
