06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
Պսկովի մարզում երկաթուղային գծերի վրա պայթյուն է տեղի ունեցել
Քաղաքականություն
26.09.2025 | 14:08
ՌԴ Պսկովի մարզում երկաթուղային գծերի վրա պայթյուն է տեղի ունեցել։ Այս մասին հայտնել է նահանգապետ Միխայիլ Վեդյորնիկովը, գրում է Ինտերֆաքսը։
«Սեպտեմբերի 26-ին՝ ուրբաթ օրը, մոտավորապես ժամը 5:00-ին, Պլյուսսա կայարանի մոտակայքում երկաթուղային գծերի վրա պայթյուն է տեղի ունեցել»,- գրել է նա Max Messenger հավելվածում։
Նահանգապետի խոսքով՝ տուժածներ չկան։
«Երկաթուղային գծից գնացք դուրս չի եկել։ Դեպքի վայրում աշխատում են արտակարգ ծառայությունները։ Խնդրում ենք պահպանել հանգստություն»,- կոչ է արել նահանգապետը։
Պատճառված վնասի չափը չի նշվում։
Հունիսի 1-ի գիշերը Բրյանսկի և Կուրսկի մարզերում պայթեցվել էին երկաթուղային կամուրջներ։ Հունիսի 5-ին Վորոնեժի մարզում պայթյունի հետևանքով վնասվել էին երկաթուղային գծերը։ Հունիսի 6-ին էլ Բելգորոդի մարզում երկաթուղային գծերի խաթարման հետևանքով դիզելային շոգեքարշը դուրս էր եկել գծերից։
Ռուսաստանի քննչական կոմիտեն քրեական գործեր է հարուցել՝ «Ահաբեկչություն» հոդվածով։
