31.05.2026 | 11:11
Honda մակնիշի ավտոմեքենան բախվել է էլեկտրական սյանը և բռնկվել։
Փաշինյանը թանկարժեք նվերներ է ստացել չինացի և ղազախ գործընկերներից
Հասարակություն
26.09.2025 | 12:36
Վարչապետ Նիկոլ Փաշինյանը սեպտեմբերին օտարերկրյա գործընկերներից թանկարժեք նվերներ է ստացել։ Այս մասին Factor.am-ը տեղեկանում է Փաշինյանի՝ Կոռուպցիայի կանխարգելման հանձնաժողով ներկայացրած նվերների հաշվառման ձևաթղթից։
Չինաստանի Ենթակառուցվածքային ներդրումների ասիական բանկի նախագահ Լիցզյուն Ծինը Փաշինյանին նվիրել է դեկորատիվ համայնապատկերային նկար՝ կատարված ոսկեգույն ֆոնի վրա։ Փաշինյանը նվերը ստացել է սեպտեմբերի 2-ին՝ Պեկին կատարած աշխատանքային այցի ժամանակ։ Նվերի արժեքը գնահատվել է 428 հազար 624 դրամ։
Նիկոլ Փաշինյանը նվեր է ստացել նաև Ալմաթիի քաղաքապետ Դարկհան Սաթիբալդիից։ Ղազախ գործընկեր նրան նկար է նվիրել՝ «Սպիտակ յուրատ լեռներում» վերնագրով, նկարիչ Նադիր Բաբամուրատովի հեղինակմամբ։ Այն արժեցել է 365 հազար 826 ՀՀ դրամ։ Փաշինյանը նվերը ստացել է սեպտեմբերի 4-ին՝ Ալմաթի կատարած այցի ընթացքում։
Հավելենք, որ «Հանրային ծառայության մասին» օրենքում կատարված փոփոխություններով սահմանվել են հանրային ծառայողների կողմից նվերներ ընդունելու վերաբերյալ նոր կանոններ։ Ըստ այդ կարգավորումների՝ պետությանը կամ համայնքին են հանձնվում պետական, պաշտոնական այցերի, միջոցառումների, ինչպես նաև աշխատանքային այցերի, գործուղումների շրջանակում տրվող նվերները, եթե դրանց արժեքը գերազանցում է 60,000 ՀՀ դրամը:
Անի Թամրազյան
