20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Սպիտակ տանը նախագահական դիմանկարների պատկերասրահում Ջո Բայդենի նկարը փոխարինել են գրիչի լուսանկարով․ ՏԵՍԱՆՅՈՒԹ
Քաղաքականություն
25.09.2025 | 13:17
Սպիտակ տանը նախագահական դիմանկարների նոր պատկերասրահում ԱՄՆ նախկին նախագահ Ջո Բայդենի դիմնանկարը փոխարինե են նրա ստորագրությունը դնող գրիչի լուսանկարով, գրում է AFP-ն։
Գործող նախագահ Դոնալդ Թրամփը, առանց ապացույցների, հայտարարել է, որ Բայդենի կողմից ներում և այլ փաստաթղթեր ստորագրելու համար ավտոմատացված տեխնոլոգիաների օգտագործումը դեմոկրատի ճանաչողական անկումը թաքցնելու մասն էր։ Այժմ նա ամրապնդել է իր մեղադրանքները՝ Սպիտակ տանը նախկին նախագահի նկարը փոխարինելով գրիչով։
«Նախագահական փառքի ծառուղին հասել է Արևմտյան թևի սյունաշար։ Սպասե՛ք դրան…»,- X-ում գրել է Թրամփի հաղորդակցության գծով խորհրդական Մարգո Մարտինը տեսանյութի հետ միասին։
Տեսախցիկը պտտվում է ժամանակագրական կարգով կախված սև ու սպիտակ, ոսկեգույն շրջանակով նախագահական դիմանկարների շարքի երկայնքով, մինչև հասնում է Բայդենին ներկայացնող գրիչով լուսանկարին։
Թրամփն այս քայլի մասին հայտարարել էր այս ամսվա սկզբին պահպանողական The Daily Caller թերթին տված հարցազրույցում՝ նշելով. «Մենք տեղադրել ենք գրիչի լուսանկար»։
79-ամյա Թրամփը խելահեղորեն քննադատում է իր 82-ամյա նախորդին՝ մեղադրելով նրան մի շարք չարիքների, այդ թվում՝ գնաճի և Ուկրաինայում ու Գազայում պատերազմների համար։
Սպիտակ տան վերանորոգման շրջանակում Թրամփը նաև տեղափոխել է դեմոկրատ նախկին նախագահ Բարաք Օբամայի դիմանկարը իր նախնական տեղից և, խախտելով ավանդույթը, կախել իր սեփական դիմանկարներից մի քանիսը։
Թարգմանությունը՝ Էմմա Չոբանյանի
