11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Փաշազադեն Հայ Առաքելական եկեղեցուն մեղադրել է «հակաադրբեջանական քարոզչության մեջ»
Քաղաքականություն
24.09.2025 | 22:20
Ադրբեջանի Կովկասի մահմեդականների վարչության նախագահ Ալլահշուքյուր Փաշազադեն Հայ Առաքելական եկեղեցու հասցեին հերթական մեղադրանքներն է հնչեցրել։
«Բարձրագույն հոգևոր առաջնորդների հետ ազատագրված Ղարաբաղ այցելությունների ժամանակ նրանց պարբերաբար ծանոթացնում ենք ադրբեջանական իրականությանը։ Այսպիսով, մենք ներկայացնում ենք համոզիչ ապացույցներ, որոնք բացահայտում են Հայ եկեղեցու հակաադրբեջանական քարոզչությունը և ռևանշիստական ապատեղեկատվությունը, որը շարունակվում է մինչ օրս»,- ասել է Փաշազադեն Ադրբեջանում անցկացվող կրոնական դավանանքների 5-րդ հանդիպման ժամանակ։
Նա նաև հայտարարել է, թե, իբր, «պետությունը, որը պահպանում է Բաքվի կենտրոնում գտնվող հայկական եկեղեցին, մզկիթների հետ մեկտեղ վերականգնում է նաև Շուշիի ուղղափառ և հայկական եկեղեցիները»։
Հիշեցնենք, որ ավելի վաղ Փաշազադեն հայտարարել է, թե «դեռևս ցանկություն չունի հանդիպել Ամենայն Հայոց կաթողիկոս Գարեգին Բ-ի հետ», քանի որ նա «քաղաքականությամբ է զբաղվում»։
Թարգմանությունը՝ Էմմա Չոբանյանի
