02.07.2026 | 15:47
ՌԴ-ու եմ ապրել ու աշխատել․ իմ նմաններին արգելելու եք ընտրել․ Աղազարյան․ ՏԵՍԱՆՅՈՒԹ
Հայտնաբերվել է Սարյան փողոցում կայանված ավտոմեքենան այրած օտարերկրացին
Հասարակություն
24.09.2025 | 13:25
ՆԳՆ ոստիկանությունից տեղեկացնում են, որ սեպտեմբերի 18-ի առավոտյան՝ ժամը 6:14-ին, ՆԳՆ ոստիկանության օպերատիվ կառավարման կենտրոն զանգահարած քաղաքացին հայտնել է, որ Երևանի Սարյան փողոցում ավտոմեքենա է այրվում:
Պարզել է, որ այրվել է նույն փողոցի 30-ամյա բնակչուհու «Տոյոտա» մակնիշի մեքենան: Մեքենայատիրոջից ընդունվել է հաղորդում: Նախաձեռնվել է քրեական վարույթ:
«Քրեական ոստիկանության Երևան քաղաքի վարչության մարդու սեփականության դեմ ուղղված հանցագործությունների դեմ պայքարի բաժնի ծառայողների ձեռնարկած օպերատիվ-հետախուզական միջոցառումների արդյունքում պարզվել է, որ «Տոյոտան» այրել է օտարերկրյա քաղաքացի 28-ամյա երիտասարդը: Նա սեպտեմբերի 22-ին Զովունի գյուղում հայտնաբերվել, ձերբակալվել և տեղափոխվել է վարչություն, ապա կազմված փաստաթղթերի հետ ներկայացվել վարույթն իրականացնող մարմին:
Կատարվում է նախաքննություն»,- ասված է հաղորդագրությունում։
