07.12.2025 | 10:30
Նիկոլ Փաշինյանը Գյումրիի Յոթ Վերք եկեղեցում պատարագի է մասնակցում. ՈՒՂԻՂ
ՆԱՏՕ-ի հետ ՀՀ հարաբերությունների ներկա օրակարգը՝ ԱԳ փոխնախարարի և Բուրջու Սանի հանդիպման առանցքում
Քաղաքականություն
23.09.2025 | 20:42
Սեպտեմբերի 23-ին ՀՀ ԱԳ նախարարի տեղակալ Մնացական Սաֆարյանն ընդունել է ՆԱՏՕ-ի Խորհրդարանական վեհաժողովի 108-րդ Ռոուզ-Ռոթ սեմինարի շրջանակներում Հայաստան ժամանած՝ ՆԱՏՕ-ի գործողությունների հարցերով գլխավոր քարտուղարի փոխտեղակալ Բուրջու Սանի գլխավորած պատվիրակությանը։ Այս մասին տեղեկացնում են ՀՀ ԱԳՆ-ից։
«Հանդիպմանը քննարկվել են ՆԱՏՕ-ի հետ ՀՀ հարաբերությունների ներկա օրակարգը և դրա զարգացման հեռանկարները, ինչպես նաև մտքեր են փոխանակվել տարածաշրջանային և միջազգային անվտանգությանը վերաբերող հարցերի շուրջ:
Կողմերը երկուստեք պատրաստակամություն են հայտնել շարունակելու համատեղ ջանքերը՝ Հայաստան-ՆԱՏՕ համագործակցության խորացման ուղղությամբ»,- ասված է հաղորդագրությունում։
