15.12.2025 | 11:22
Ծիծեռնակաբերդի խճուղու հիմնական փլուզված հատվածը վերականգնվել է․ քաղաքապետարանի պաշտոնյա. ՏԵՍԱՆՅՈՒԹ
Ադրբեջանական SOCAR-ն իտալական Italiana Petroli-ի գնման պայմանագիր է ստորագրել
Քաղաքականություն
23.09.2025 | 17:20
Ադրբեջանական պետական նավթային SOCAR ընկերությունն ու իտալական Italiana Petroli-ն բաժնետոմսերի գնման պայմանագիր են ստորագրել Բաքվում անցկացվող Ադրբեջանի առաջին միջազգային ներդրումային ֆորումի ժամանակ։ Ադրբեջանական լրատվամիջոցների տվյալներով՝ բաժնետոմսերի գնման պայմանագիրը ստորագրել են Ադրբեջանի պետական նավթային ընկերության նախագահ Ռովշան Նաջաֆը և Italiana Petroli S.p.A.-ի տնօրենների խորհրդի նախագահ Ուգո Բրակետտի Պերետտին։
Նշվում է, որ խոսքն իտալական Italiana Petroli (IP) ընկերության 99.82% բաժնեմասը գնելու մասին է։ Գործարքը կավարտվի ստանդարտ պայմանների կատարման և կարգավորող մարմինների հաստատումների ստացումից հետո։ Այն նախատեսվում է ավարտել 2026 թվականի առաջին եռամսյակում։
Հիշեցնենք՝ ավելի վաղ Reuters-ը հայտնել էր, որ Italiana Petroli-ի հիմնադիր ընտանիքը մտադիր է նավթավերամշակման գործարանը վաճառել Ադրբեջանի պետական նավթային ընկերությանը (SOCAR), ինչի արդյունքում խումբը կստանա Իտալիայի խոշորագույն բենզալցակայանների ցանցի նկատմամբ վերահսկողությունը։
Թարգմանությունը՝ Էմմա Չոբանյանի
