16.04.2026 | 15:33
«Ձեզ չեն ասե՞լ, բաց կապով ինձ մի զանգեք»․ ՀԿԿ-ն գաղտնալսում է հրապարակել․ ՏԵՍԱՆՅՈՒԹ
Հիմնանորոգվում է Սևան քաղաքի Սյունյաց փողոցը
Տնտեսություն
23.09.2025 | 13:29
Գեղարքունիքի մարզի Սեւան քաղաքում ՀՀ կառավարության կողմից 2025 թվականին իրականացվող սուբվենցիոն ծրագրերի շրջանակներում սկսվել եւ ընթանում են Սյունյաց փողոցի հիմնանորոգման աշխատանքները։
Ինչպես տեղեկացրին Սեւանի համայնքապետարանի աշխատակազմից, Սյունյաց փողոցի հիմնանորոգումն ընդգրկում է 3430 քմ տարածք: Ծրագրի իրականացման պայմանագրային արժեքը 50 միլիոն դրամ է, որի 50 տոկոսը հատկացնում է ՀՀ կառավարությունը, 50 տոկոսը` Սեւանի համայնքապետարանը։ Շինարարական աշխատանքներն իրականացվում են «Ճան-Շին» ՍՊԸ կապալառու կազմակերպության կողմից:
Սեւան քաղաքում 2025 թվականին իրականացվող սուբվենցիոն ծրագրերի շրջանակներում արդեն իրականացվել են Էներգետիկների, Իսահակյան, Կարմիր բանակի, Սպանդարյան, Օրբելի, Գեղամա, Ռուսական, Աբովյան փողոցների, Աբովյան փողոցի հետ հատվող Թումանյան և Սայաթ–Նովա փողոցի Սևանի Վլ․ Կարապետյանի անվան թիվ 3 հիմնական դպրոց տանող ճանապարհները։
Ծրագրի ընդհանուր արժեքը 653.6 մլն. դրամ է:
