03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
«Ծանր վեշերով քայլում ենք». Արմենակյան փողոցի բնակիչները տրանսպորտի կանգառ են պահանջում․ ՏԵՍԱՆՅՈՒԹ
Հասարակություն
24.09.2025 | 20:15
Արմենակյան փողոցի բնակիչ տիկին Արաքսյան ամեն օր բավական ճանապարհ է անցնում կանգառից տուն հասնելու համար։ Նա և տարածքի մյուս բնակիչները դժգոհում են՝ հասարակական տրանսպորտն Արմենակյան փողոցի սկզբնամասի այս հատվածում կանգառ չունի, ինչը զգալի դժվարացնում է իրենց առօրյան։
Ուշագրավ է, որ Արմենակյան փողոցի այս հատվածում բարձրացող ուղղությամբ կանգառ չկա, այնինչ հետադարձին կա՝ չնայած մեր նկարահանումների պահին այն զբաղված էր կայանված ավտոմեքենաներով։ Բնակիչներն առաջարկում են, որ քաղաքապետարանն այս հատվածում իրենց կանգառի հնարավորություն տա։
Factor TV ահազանգած բնակիչները նշում են, որ նախկինում այստեղ կանգառի հնարավորություն եղել է, բայց երբ ուղեվարձը թանկացել է, միաժամանակ, կանխիկ գումարը վարորդին փոխանցելու պրակտիկան դադարել է, վերջիններս հրաժարվում են նշված վայրում կանգառ անել։
Արմենակյան փողոցի բնակիչները ստորագրահավաք են իրականացրել, դիմել քաղաքապետարան՝ կանգառի խնդիրը լուծելու համար։ Տրանսպորտի վարչության պետը բնակիչներին գրավոր հայտնել է, որ բնակիչների նշած հատվածում, ըստ «Երևանտրանս» ՓԲԸ-ի, նպատակահարմար չէ նոր կանգառ տեղադրել։ Քաղաքապետարանից հայտնել են, որ նշված հատվածից մինչև մոտակա կանգառ հեռավորությունը 100 մետր է, ինչը հետիոտնային մատչելիության սահմանում է։
Մանրամասները՝ տեսանյութում։
Նարեկ Կիրակոսյան
