16.02.2026 | 20:27
«Վագներ»-ի հավաքագրողներն օգնում են ՌԴ հետախուզական ծառայություններին՝ Եվրոպայում դիվերսիաների համար գործակալներ փնտրել. FT
Թրամփը խոստացել է պաշտպանել Բալթյան երկրներն ու Լեհաստանը, եթե Պուտինը «շարունակի էսկալացիան»
Քաղաքականություն
21.09.2025 | 18:55
ԱՄՆ նախագահ Դոնալդ Թրամփը խոստացել է պաշտպանել Բալթյան երկրներն ու Լեհաստանը, եթե Պուտինը «շարունակի էսկալացիան»։ Այս մասին ԱՄՆ նախագահը հայտարարել է Վաշինգտոնում լրագրողների հետ զրույցում։
Լրագրողի՝ «պատրա՞ստ եք արդյոք օգնել Բալթյան երկրների և Լեհաստանի պաշտպանությանը, եթե Վլադիմիր Պուտինը շարունակեց էսկալացիան» հարցին, Թրամփը պատասխանել է․ «Այո, ես պատրաստ եմ»։
Հիշեցնենք՝ սեպտեմբերի 10-ի գիշերը 19 ռուսական անօդաչու թռչող սարքեր մտել են Լեհաստանի տարածք, որոնց մի մասը խոցվել է։ Դրանից հետո ՆԱՏՕ-ն հայտարարել է Եվրոպայի արևելյան թևի պաշտպանության ուժեղացման նոր առաքելություն սկսելու մասին։
Սեպտեմբերի 19-ին Էստոնիայի իշխանությունները հայտնել են, որ երեք ռուսական Միգ-31 կործանիչներ ներխուժել են երկրի օդային տարածք և մնացել այնտեղ շուրջ 12 րոպե։ Ռուսաստանի ՊՆ-ն հերքել է այս տեղեկությունը։
Էստոնիայի վարչապետը հայտարարել է, որ երկիրը կգործադրի ՆԱՏՕ-ի կանոնադրության չորրորդ հոդվածը և կդիմի գործընկերների հետ խորհրդակցությունների՝ անվտանգության սպառնալիքի պատճառով։
Այսօր՝ սեպտեմբերի 21-ին, հայտնի դարձավ նաև, որ Բալթիկ ծովի վրա Գերմանիայի զինված ուժերը հայտնաբերել են չճանաչված ինքնաթիռ, որը չուներ թռիչքի պլան և չէր արձագանքում կապի փորձերին։
Դրա որսման համար Ռոստոկ-Լագե ավիաբազայից օդ են բարձրացվել երկու Eurofighter կործանիչներ։ Սկզբում ինքնաթիռը հնարավոր չէր ճանաչել, սակայն ավելի ուշ այն տեսողականորեն նույնականացվել է որպես ռուսական Ил-20М՝ հետախուզական օդանավ, որը նախատեսված է ռադիոհետախուզության և տարածքի լուսանկարահանման համար։
HAPPENING NOW!!! Trump was just asked if he would help defend Poland and Baltic states from Russia if Putin keeps escalating
“I will,” he replied
Asked about briefing on Estonia
Trump: “We don’t like it” pic.twitter.com/6FXg7V0uv9
— Alex Raufoglu (@ralakbar) September 21, 2025
