06.10.2026 | 20:09
Մոսկվան հայտարարել է, թե Հայաստանը ցանկանում է Գյումրիից ռազմաբազայի դուրսբերման պատասխանատվությունը «բարդել Ռուսաստանի վրա»
Գերմանիան օդ է բարձրացրել 2 կործանիչ՝ Բալթիկ ծովում հայտնաբերված ռուսական հետախուզական ինքնաթիռի պատճառով
Քաղաքականություն
21.09.2025 | 18:32
Բալթիկ ծովի վրա Գերմանիայի զինված ուժերը հայտնաբերել են չճանաչված ինքնաթիռ, որը չուներ թռիչքի պլան և չէր արձագանքում կապի փորձերին, փոխանցում է The Insider-ը։
Դրա որսման համար Ռոստոկ-Լագե ավիաբազայից օդ են բարձրացվել երկու Eurofighter կործանիչներ։ Սկզբում ինքնաթիռը հնարավոր չէր ճանաչել, սակայն ավելի ուշ այն տեսողականորեն նույնականացվել է որպես ռուսական Ил-20М՝ հետախուզական օդանավ, որը նախատեսված է ռադիոհետախուզության և տարածքի լուսանկարահանման համար։
Բալթիկ տարածաշրջանում իրավիճակը լարվում է՝ ՌԴ-ի կողմից օդային սահմանախախտումների վերաբերյալ հաղորդագրությունների ֆոնին։ Էստոնիայի տվյալներով՝ սեպտեմբերի 19-ին երեք ռուսական կործանիչներ ապօրինաբար մտել են երկրի օդային տարածք՝ Վայնդլո կղզու շրջանում։ Ռուսաստանը պնդում է, որ ինքնաթիռները գտնվել են չեզոք տարածքում, այլ ոչ թե Էստոնիայի օդային տարածքում։
Բացի այդ, սեպտեմբերի 19-ի երեկոյան Լեհաստանը հայտնել է, որ երկու ռուսական կործանիչներ ցածր բարձրության վրա մոտեցել են Բալթիկ ծովում գտնվող լեհական հորատման հարթակին՝ խախտելով դրա վրա սահմանված անվտանգության գոտին։ Ինքնաթիռները թռել են Petrobaltic հարթակի վրայով՝ մոտավորապես 150 մետր բարձրության վրա։ Պետական սահմանի խախտում չի արձանագրվել։
