21.05.2026 | 22:00
Անդրանիկ Թևանյանին վերագրվող մեղադրանքը, ենթադրաբար, առնչվում է Արարատ Միրզոյանի մասնակցությամբ ԱԺ փակ նիստին
Առաջիկայում կունենանք ցամաքային տրանսպորտային հաղորդակցություն Թուրքիայի հետ. Փաշինյան
Քաղաքականություն
20.09.2025 | 12:57
Թուրքիայի հետ մեր ակտիվ երկխոսությունը վստահություն է տալիս, որ մենք առաջիկայում կունենանք նաև ցամաքային տրանսպորտային հաղորդակցություն Թուրքիայի, այսպիսով նաև Եվրոպական Միության հետ։ Այս մասին ՔՊԿ համագումարի իր ելույթում նշեց ՀՀ վարչապետ Նիկոլ Փաշինյանը։
«Սա նույնպես վճռական և կարևոր գործոն է, առավել ևս, եթե հաշվի առնենք, որ այս տարի ընդունեցինք և ՀՀ նախագահի կողմից վավերացնելուց հետո ուժի մեջ է ԵՄ–ին Հայաստանի անդամակցելու գործընթացի մեկնարկի մասին օրենքը, և մենք արդեն ակտիվացրել ու ակտիվացնելու ենք մեր ջանքերը այս ուղղությամբ։ Օրենքը լրացուցիչ երաշխիք է, որ իշխող մեծամասնությունը ավելի կակտիվացնի իր ջանքերը ժողովրդավարական բարեփոխումների, օրենքի առաջ բոլորի հավասարության, հակակոռուպցիոն պայքարի ուղղությամբ։ Սա հատուկ եմ ընդգծում, որովհետև կոռուպցիան, ընդհանրապես իշխանության հատկանիշ է հիմնականում, և մենք հակակոռուպցիոն քաղաքականության մեջ պետք է սկզբունքային լինենք ոչ միայն ուրիշների, այլև ինքներս մեր նկատմամբ, մեր իշխանության պարագայում»,– ընդգծեց նա։
