22.04.2026 | 23:30
ՀՀ տարածքում ավտոճանապարհները հիմնականում անցանելի են
«Երկուշաբթի օրը ՀԷՑ–ում կլինեն ազատումներ»․ Ռոմանոս Պետրոսյանը` նախօրեին Կենտրոնի հոսանքազրկման մասին
20.09.2025 | 11:08
ՀԷՑ–ի ժամանակավոր կառավարիչ Ռոմանոս Պետրոսյանը ՔՊ–ի 7-րդ համագումարից առաջ, մեկնաբանելով նախօրեին Երևանի կենտրոնում գրանցված հոսանքազրկումը, հայտարարեց, որ եթե պետության միջամտությունը չլիներ, ապա այն ոչ թե մեկուկես ժամ կտևեր, այլ երեք կամ վեց ժամ։
«ՀԷՑ–ի էներգետիկ ենթակառուցվածքները այնքան մաշված են, որ մեկ, երկու, երեք, հինգ, վեց ամսվա մեջ հնարավոր չէր բեկումնային փոփոխություն անել»,– հավելեց նա։
Պետրոսյանի խոսքով` նշված անջատման մեջ կար նաև նույն սեփականատերերի հետ փոխկապակցված կապալառու ընկերություններից մեկի սխալը։
«Երկուշաբթի օրը հենց ՀԷՑ-ում կլինեն ազատումներ, և գործընկերոջ նկատմամբ կկիրառվեն պայմանագրով նախատեսված սանկցիաներ»,- ասաց Պետրոսյանը։
Հիշեցնենք, որ երեկ աշխարհահռչակ ջութակահար Սերգեյ Խաչատրյանի համերգի ժամանակ Ֆիլհարմոնիկ մեծ դահլիճը հոսանքազրկվել էր:
