ԲԱՆԱՎԵՃ․ Մեծ պատերազմ կլինի՞ ՌԴ-ի և ՆԱՏՕ-ի միջև, ի՞նչ սպասել ՌԴ-ի օդային ներխուժումից Լեհաստան և Էստոնիա․ ՏԵՍԱՆՅՈՒԹ

ԱՄՆ նախագահ Դոնալդ Թրամփը հիասթափված է ՌԴ նախագահ Վլադիմիր Պուտինից՝ Ուկրաինայի խաղաղության ջանքերի հարցում։ Մեծ Բրիտանիա այցի ժամանակ ԱՄՆ նախագահն անկեղծացել է․

«Ես կարծում էի, որ ամենահեշտը կլիներ նախագահ Պուտինի հետ իմ հարաբերությունների պատճառով։ Բայց նա հիասթափեցրեց ինձ։ Նա իսկապես հիասթափեցրեց ինձ։ Տեսնենք՝ ինչպես կավարտվի դա»։

Մեկ օրում պատերազմը դադարեցնելու խոստում տված Թրամփը երբեմն սպառնում է ՌԴ-ին խիստ պատժամիջոցներով, բայց միաժամանակ չի դադարեցնում Ուկրաինային զինելը, ճիշտ է՝ եվրոպական երկրների միջոցներով։

Եվրոպացիներն օրերս խիստ վտանգ զգացին սեփական անվտանգությանը, երբ ՌԴ-ի դրոններ հայտնվեցին Լեհաստանի երկնքում։ Ճիշտ է՝ դրանք չեզոքացվեցին, սակայն ՆԱՏՕ-ն և լեհական կողմը հնչեցրին խիստ գնահատականներ, նույնիսկ նշելով, որ դա ՌԴ ագրեսիա էր։ Այսօր էլ ռուսական կործանիչները խախտել են Էստոնիայի օդային սահմանը։

Այս պահին անհնար է համարվում Զելենսկի-Պուտին հանդիպումը։ Մնում է բաց հարց․ արդյո՞ք Եվրոպայի դեմ ագրեսիայի պլաններ ունի ՌԴ-ն, թե՞ սա պարզապես վախեցնելու նպատակ ուներ։ Բացառվո՞ւմ է ավելի մեծ պատերազմի վտանգը։

Այս թեմայի շուրջ Factor TV-ի տաղավարում կազմակերպվել է քննարկում, որին մասնակցում են․

Գարեգին Միսկարյան – «Նժար» սահմանադրական շարժման համահիմնադիր,

Արման Ղուկասյան – «Հանուն սոցիալական արդարության» կուսակցության նախագահ,

Հայկ Սահակյան – ՔՈ կուսակցության անդամ,

Վահան Բաբայան – «Ռեֆորմիստներ» կուսակցության նախագահ,

Նարինե Մկրտչյան – Մամուլի ազգային ակումբի նախագահ,

Ռոբերտ Ղևոնդյան – քաղաքագետ, Անվտանգային քաղաքականության հետազոտական կենտրոնի փորձագետ։

Հաղորդումն ամբողջությամբ՝ տեսանյութում։

Ռոբերտ Անանյան