05.12.2025 | 21:37
Մյասնիկյան պողոտայում մեքենա է այրվել
Հայաստանին ֆինանսավորում ենք 200 միլիոն եվրո Դիմակայունության և աճի ծրագրի երկրորդ փուլի համար․ Կոս․ ՏԵՍԱՆՅՈՒԹ
Քաղաքականություն
19.09.2025 | 17:54
««Դիմակայունության և աճի ծրագրի» երկրորդ փուլի շրջանակներում ՀՀ-ին հատկացնում ենք ավելի քան 200 միլիոն եվրո ֆինանսավորում»,– այս մասին ՀՀ փոխվարչապետ Մհեր Գրիգորյանի հետ համատեղ հայտարարության ժամանակ տեղեկացրեց ԵՄ ընդլայնման հարցերով հանձնակատար Մարթա Կոսը։
ԵՄ բարձրաստիճան պաշտոնյան նշեց, որ պատրաստ են ներդրումներ կատարել էներգետիկայի, տրանսպորտի ոլորտներում և ենթակառուցվածքային նախագծերում՝ համահունչ «Խաղաղության խաչմերուկ» նախագծին։
«Մենք ինտենսիվ աշխատում ենք միջազգային, միջտարածաշրջանային կապի օրակարգի մշակման ուղղությամբ՝ Եվրոպան միացնելով Կենտրոնական Ասիայի հետ և Հարավային Կովկասը՝ Թուրքիայի միջոցով, որտեղ Հայաստանը անփոխարինելի դերակատար է։ Մինչ դուք տոնում եք Անկախությունը, ես ուզում եմ ընդգծել, որ ձեր նվիրվածությունը դիմակայունության և խաղաղության համար շատ կարևոր է։ ԵՄ-ն շարունակելու է լինել ձեր կողքին տարածաշրջանի նոր պատմության ուղում, և շարունակեք մեզ վստահել»,– շեշտեց Մարթա Կոսը։
Մանրամասները՝ տեսանյութում։
Մանյա Պողոսյան
