20.02.2026 | 13:03
Թրամփը Պենտագոնին կհանձնարարի հրապարակել ՉԹՕ-ների վերաբերյալ ֆայլերը
Բացվել է կինոռեժիսոր Սուրեն Բաբայանի հոբելյանական աստղը
Մշակույթ
19.09.2025 | 13:25
Սեպտեմբերի 18-ին լրացել է հայկական կինոյի բացառիկ ներկայացուցիչներից մեկի՝ կինոռեժիսոր Սուրեն Բաբայանի ծննդյան 75-ամյակը։
ՀՀ կրթության, գիտության, մշակույթի և սպորտի նախարարության աջակցությամբ Շառլ Ազնավուրի հրապարակում տեղադրվել է կինոռեժիսորի հոբելյանական աստղը՝ համալրելով հայ կինոյի նշանավորների աստղաբույլը։
Գերատեսչությունից տեղեկացնում են, որ միջոցառմանը ներկա է եղել ԿԳՄՍ նախարարի տեղակալ Դանիել Դանիելյանը:
Սուրեն Բաբայանը հայ կինոյի ինքնատիպ ու խոշոր գործիչներից է։ Նրա ստեղծագործություններն առանձնանում են փիլիսոփայական խորությամբ, գեղարվեստական յուրահատկությամբ և նորարարական մոտեցումներով։ Սուրեն Բաբայանի ֆիլմերը («Արարման 8-րդ օրը», «Ժանո», «Արյուն», «Խենթ հրեշտակը» և այլն) արժանացել են միջազգային ճանաչման՝ դառնալով հայկական կինոյի հեղինակավոր օրինակներ։
«Հայաստանի կինոգործիչների միության նախաձեռնությամբ Կինոյի տանը տեղի է ունեցել նաև Սուրեն Բաբայանին նվիրված հուշ-երեկո, որի շրջանակում Հայաստանի կինոյի հիմնադրամի հետ համագործակցությամբ ցուցադրվել է վարպետի «Արարման 8-րդ օրը» ֆիլմի վերականգնված տարբերակը»,- ասված է հաղորդագրությունում։
