14.09.2026 | 21:13
Oգոստոսի կլիմայական պայմանները Հայաստանում
Իրականությանը չի համապատասխանում այն, ինչ դասագրքերում Արցախի մասին ներկայացված է․ Շահրամանյան
19.09.2025 | 11:51
«Իրականությանը չի համապատասխանում այն, ինչ դասագրքերում Արցախի մասին ներկայացված է»,- այս մասին «Եռաբլուր» զինվորական պանթեոնում լրագրողների հետ ճեպազրույցում ասաց Արցախի 5-րդ նախագահ Սամվել Շահրամանյանը։
«Մեր նպատակն է, որ մեր սերունդները ստանանա իրական տեղեկություն։ Մենք այդ դատական պրոցեսների ընթացքում կներկայացնենք անհրաժեշտ բոլոր տեղեկությունները, որոնք կհիմավորեն մեր ասածները։ Դասագրքերում պետք է նշված լինի իրականությունը»,- ասաց նա։
Արձագանքելով այն մեղադրանքներին, թե Եվլախի հանդիպումով փակվել է Արցախի էջը։ Շահրամանյանն ասաց, որ Եվլախում որևէ փաստաթուղթ չի ստորագրվել։
«Եվլախում մասնակցած մարդիկ որևիցե փաստաթուղթ չեն ստորագրել, այդ հանդիպումը կրում էր հումանիտար բնույթ»,- նշեց Արցախի վերջին նախագահը։
Հիշեցենենք, որ Սամվել Շահրամանյանը դատական հայց է ներկայացրել դատարան՝ ընդդեմ Կրթության, գիտության, մշակույթի և սպորտի նախարարության և 9-րդ դասարանի «Հայաստանի պատմություն» առարկայի դասագրքի համահեղինակ, պատմաբան Նժդեհ Հովսեփյանի։ «Դատալեքս» դատական-տեղեկատվական համակարգում առկա տեղեկատվության համաձայն՝ Շահրամանյանը պահանջում է հերքել դասագրքի տեքստում տեղ գտած այն տեքստը, համաձայն որի՝ Շահրամանյանի հրամանագրով Արցախի Հանարապետությունը լուծարվել է։
Մանյա Պողոսյան
