05.09.2026 | 18:31
«Հեծանվային մեծ սպորտը գալիս է Հայաստան». ներկայացվել է «Tour of Armenia»-ի խորհրդանիշը
Ադրբեջանի ու ԵՄ-ի միջև տնտեսական հարցերով բարձր մակարդակի աշխատանքային խումբ կստեղծվի
Քաղաքականություն
19.09.2025 | 11:42
ԵՄ ընդլայնման հարցերով հանձնակատար Մարթա Կոսը Ադրբեջանի էկոնոմիկայի նախարար Միքայել Ջաբարովի հետ հանդիպմանը հայտարարել է, որ կողմերի միջև ստեղծվելու է տնտեսական հարցերով բարձր մակարդակի աշխատանքային խումբ։
«Ակտիվ քննարկում Ադրբեջանի էկոնոմիկայի նախարար Միքայիլ Ջաբարովի հետ։ Տարածաշրջանում խաղաղությունը բացում է շուկաների, առևտրի և ներդրումների հնարավորություններ։ Դրանք օգտագործելու համար մենք պայմանավորվել ենք ստեղծել բարձր մակարդակի տնտեսական աշխատանքային խումբ։ Կշարունակենք ամրապնդել մեր գործընկերությունը»,-գրել է Կոսը X-ի իր միկրոբլոգում։
Հավելենք, որ նախօրեին Կոսը հանդիպումներ էր անցկացրել Ադրբեջանի նախագահ Իլհամ Ալիևի, ԱԳ նախարար Ջեյհուն Բայրամովի հետ, ինչպես նաև այցելել Արցախ։
ՀՀ-ում ԵՄ պատվիրակության հաղորդմամբ՝ սեպտեմբերի 19-ին և 20-ին նա այցով կլինի Հայաստանում։
Թարգմանությունը՝ Էմմա Չոբանյանի
