16.02.2026 | 20:40
Բարձր եմ գնահատում Լիտվայի աջակցությունը Հայաստանին. ՀՀ նախագահ
Ադրբեջանական Մեջլիսը, այսպես կոչված, «Արևմտյան Ադրբեջան» վերադարձի վերաբերյալ լսումներ կանցկացնի
Քաղաքականություն
18.09.2025 | 17:43
Ադրբեջանի Միլլի Մեջլիսում կանցկացվեն լսումներ՝ նվիրված, այսպես կոչված, «Արևմտյան Ադրբեջան» վերադարձին և ադրբեջանիզմի գաղափարախոսության տարածմանը, գրում են ադրբեջանական լրատվամիջոցները։
Նշվում է, որ այս հարցը ներառվել է Ադրբեջանի խորհրդարանի երիտասարդության և սպորտի հանձնաժողովի 2025 թվականի աշնանային նստաշրջանի աշխատանքային ծրագրում։
«Երիտասարդության դերն Արևմտյան Ադրբեջան վերադառնալու գործում» թեմայով քննարկմանը նախատեսվում է հրավիրել երկրում և արտասահմանում սովորող ուսանողների։ Հանձնաժողովի աշխատանքային ծրագրի համաձայն՝ մեկ այլ լսում կքննարկի «երիտասարդության և երիտասարդական կազմակերպությունների դերը ադրբեջանիզմի գաղափարախոսության տարածման գործում»։
Բաքուն որպես «Արևմտյան Ադրբեջան» ներկայացնում է ՀՀ տարածքը։
Օրերս էլ «Արևմտյան Ադրբեջանի համայնք» հասարակական կազմակերպության նախագահ, ադրբեջանական Մեջլիսի պատգամավոր Ազիզ Ալեքբերլին հայտարարել էր, թե «Արևմտյան Ադրբեջան» վերադառնալը երկրում համազգային գաղափար է։
Թարգմանությունը՝ Էմմա Չոբանյանի
