12.01.2026 | 16:48
Դատական իշխանության անկախությունը սահմանադրական արժեք է․ Վահագն Խաչատուրյան
Լավրովը հայտարարել է, որ Ուկրաինայում խաղաղապահները ռուսական զորքերի օրինական թիրախ կդառնան
Քաղաքականություն
17.09.2025 | 15:28
«Այսպես կոչված, խաղաղապահներն Ուկրաինայի տարածքում, ըստ էության, կլինեն օկուպացիոն ուժեր և օրինական թիրախներ ռուս զինվորականների համար»։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը օտարերկրյա դեսպանների մասնակցությամբ անցկացված ուկրաինական կարգավորման վերաբերյալ կլոր սեղանի ժամանակ, գրում է Վեդոմոստին։
«Ինչ-որ խաղաղապահ, բայց էությամբ՝ օկուպացիոն ուժի ձևավորմամբ, Ուկրաինայի վրա անօդային գոտի, թռիչքներից զերծ գոտի ստեղծելու մասին խոսելով։ Հիմա նրանք քննարկում են, թե հնարավո՞ր է, արդյոք, Ուկրաինայի վրա օբյեկտներ խփել»,- նշել է Լավրովը։
Բացի այդ, նա հայտարարել է, թե Եվրամիությունն ու Կիևը փորձում են համոզել ԱՄՆ նախագահ Դոնալդ Թրամփին հրաժարվել ուկրաինական ճգնաժամը լուծելու խաղաղարար ջանքերից։
«Ե՛վ եվրոպացիները, և՛ ուկրաինական ռեժիմը փորձում են համոզել Դոնալդ Թրամփին հրաժարվել խաղաղապահ ջանքերից, վերադառնալ Ռուսաստանի հետ առճակատման և, ըստ էության, Բայդենի պատերազմը վերածել Թրամփի պատերազմի։ Սրանով մտահոգված են շատ եվրոպացի առաջնորդներ, այդ թվում՝ Փարիզը, Բեռլինը, Լոնդոնը և Բրյուսելը։ Նրանք, իհարկե, ցանկանում են խափանել խաղաղության գործընթացը»,- ասել է Լավրովը։
Հիշեցնենք, որ սեպտեմբերի 4-ին «կամավորների կոալիցիայի» նիստից հետո տեղի ունեցած մամուլի ասուլիսում Ֆրանսիայի նախագահ Էմանուել Մակրոնը հայտարարել էր, որ 26 երկրների ներկայացուցիչներ պատրաստակամություն են հայտնել զորքեր ուղարկել Ուկրաինա՝ անվտանգության երաշխիքների շրջանակում։
Թարգմանությունը՝ Էմմա Չոբանյանի
