29.04.2026 | 12:53
Ով է Մուստաֆաևը և ինչով է հայտնի․ Ադրբեջանի փոխվարչապետը Երևանում է․ ՏԵՍԱՆՅՈՒԹ
Վիգեն Սարգսյանի մասով քրեական գործը Քրեական դատարանից տեղափոխվել է Հակակոռուպցիոն դատարան
Հասարակություն
17.09.2025 | 12:06
Պաշտպանության նախկին նախարար Վիգեն Սարգսյանին առաջադրված փողերի լվացման մեղադրանքով քրեական գործը Երևանի ընդհանուր իրավասության քրեական դատարանից տեղափոխվել է Հակակոռուպցիոն դատարան և մակագրել Գիվի Հովհաննիսյանին։
Հիշեցնենք՝ ըստ Սարգսյանին առաջադրված մեղադրանքի, նա՝ հանդիսանալով պետական ծառայող, հանցավոր արարքների արդյունքում ստացել է օրինական եկամուտների չհիմնավորված, ապօրինի՝ առանձնապես խոշոր չափերի՝ 99․414․079 ՀՀ դրամ գումար, ապա դրա հանցավոր ծագումը թաքցնելու և խեղաթյուրելու նպատակով նշված գումարը փոխարկել է անշարժ գույքերի՝ այդ կերպ օրինական տեսք հաղորդելով դրանց և կատարելով փողերի լվացում։
Նշենք՝ 2024 թվականի հոկտեմբերի 3-ին որոշում է կայացվել նախկին նախարարի նկատմամբ հեռակա վարույթ իրականացնել, ինչից երկու ամիս անց քրեական գործը մակագրվել է Երևան քաղաքի առաջին ատյանի ընդհանուր իրավասության քրեական դատարանի դատավոր Անդրեասյանին։ Դատավորը, սակայն, ինքնաբացարկ է հայտնել, ինչից հետո գործը վերամակագրվել է դատավոր Մուշեղ Արամյանին։ Դատարանը, սակայն, կարճ ժամանակ գործը քննելուց հետո որոշել է, որ որ այն պետք է քննվի ոչ թե ընդհանուր իրավասության դատարանում, այլ Հակակոռուպցիոն դատարանում։ Ուստի, այս ամսվա սկզբին 2025թ. գործը փոխանցել է Հակակոռուպցիոն դատարանին։ Թե երբ կնշանակվի առաջին նիստը, այս պահին հայտնի չէ։
Ռոզա Վարդանյան
