07.03.2026 | 13:02
«Տենանք` կարո՞ւմ ենք մի բան անենք». Փաշինյանը Թալինում քաղաքացիների բնակարաններ է մտնում. ՏԵՍԱՆՅՈՒԹ
ՀՀ-ն հաստատել է սեպտեմբերի 29-ին Մինսկում կայանալիք ԱՊՀ գագաթնաժողովին մասնակցությունը․ ձևաչափը դեռ չի որոշվել
Քաղաքականություն
16.09.2025 | 16:34
Հայաստանը կորոշի իր մասնակցության ձևաչափը սեպտեմբերի 29-ին Մինսկում նախատեսված ԱՊՀ երկրների կառավարությունների ղեկավարների խորհրդի նիստին։ Այս մասին Մինսկում լրագրողներին հայտնել է կազմակերպության գլխավոր քարտուղարի առաջին տեղակալ Իգոր Պետրիշենկոն, փոխանցում են ռուսական լրատվամիջոցները։
«Հայաստանը նույնպես հաստատել է իր մասնակցությունը, այժմ հարցը մշակվում է։ Սա այն հարցն է, որի վերաբերյալ պետք է որոշում կայացնի հայկական կողմը, որպեսզի մասնակցությունն ավելի արդյունավետ լինի։ Դրա համար որոշումը կկայացնի հայկական կողմը»,- ասել է նա՝ պատասխանելով հարցին՝ արդյո՞ք հայկական կողմը կմասնակցի Մինսկում կայանալիք ԱՊՀ երկրների կառավարությունների ղեկավարների խորհրդի նիստին անձնական ձևաչափով։
ԱՊՀ երկրների կառավարությունների ղեկավարների խորհրդի նիստը կկայանա Մինսկում սեպտեմբերի 29-ին։ Օրակարգում նախատեսվում է ներառել 14 հարց։
Հիշեցնենք, որ ՀՀ վարչապետ Նիկոլ Փաշինյանը հայտարարել էր, որ երբեք չի այցելի Բելառուս, քանի դեռ այդ երկրի նախագահն Ալեքսանդր Լուկաշենկոն է։ Նա նշել էր, որ «ՀԱՊԿ ղեկավարներից մեկը հայտարարել է, թե 44-օրյա պատերազմը նախապատրաստելուն մասնակցել է, քաջալերել, հավատացել, ցանկացել Ադրբեջանի հաղթանակը»։
Թարգմանությունը՝ Էմմա Չոբանյանի
