07.09.2026 | 14:33
ՌԴ-ն ու Հյուսիսային Կորեան բացել են երկու երկրների միջև առաջին ավտոմոբիլային կամուրջը
Կիևը հայտնել է, որ ռուսական զորքերը Խարկովում «ուսումնական հաստատության են հարվածել»
Քաղաքականություն
16.09.2025 | 16:23
Ուկրաինայի Պետական արտակարգ իրավիճակների ծառայությունը հայտնել է, որ ռուս զինվորականներն այսօր առավոտյան անօդաչու թռչող սարքերով հարվածել են Խարկովի Սլոբոդսկի շրջանում գտնվող ուսումնական հաստատությանը։ Թե ինչ ուսումնական հաստատություն է եղել, չի նշվում, փոխանցում է BBC-ի ռուսական ծառայությունը։
Խարկովի քաղաքապետը և տարածաշրջանային ռազմական վարչությունն ավելի վաղ գրել էին հարձակման մասին։
«Նախնական տվյալներով՝ երկու կին վիրավորվել է։ Հարվածի հետևանքով վնասվել է հաստատության տանիքը, հրդեհ է բռնկվել»,- հայտնել են փրկարարները։
«Суспільне»-ի տվյալներով՝ հարված է հասցվել Դեղագործական համալսարանի վարչական շենքին։
Միաժամանակ, քաղաքապետ Իգոր Տերեխովը հրապարակել է թարմացված տեղեկատվություն. երեքշաբթի առավոտյան Խարկովին հարվածի հետևանքով չորս մարդ է վիրավորվել՝ 51, 52 և 54 տարեկան երեք կին, ինչպես նաև 89-ամյա մի տղամարդ։ Բոլոր վիրավորները թեթև վիճակում են, այս մասին էլ հայտարարել է տարածաշրջանային ռազմական վարչակազմի ղեկավար Օլեգ Սինեգուբովը։
Ռուս զինվորականները որևէ մեկնաբանություն չեն տվել հարձակման վերաբերյալ։
Ուկրաինայի ռազմաօդային ուժերն առավոտյան հայտնել էին, որ ռուսական զորքերի կողմից արձակված 113 անօդաչու թռչող սարքերից 89-ը խոցվել կամ ճնշվել է ռադիոէլեկտրոնային պայքարի միջոցներով։
Թարգմանությունը՝ Էմմա Չոբանյանի
