21.05.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Բելառուսը որևէ կապ չունի Լեհաստանի կամ Լիտվայի տարածք թռչող ԱԹՍ-ների հետ․ Լուկաշենկո
Քաղաքականություն
16.09.2025 | 16:04
Բելառուսի նախագահ Ալեքսանդր Լուկաշենկոն հայտարարել է, որ ԱԹՍ-ները, որոնք վերջին շրջանում հայտնաբերվել են Բելառուսի հետ սահմանակից Լեհաստանի ու Լիտվայի տարածքներում, կապված չեն Մինսկի հետ, գրում է BBC-ի ռուսական ծառայությունը։
«Այն ամբողջը, որը թռչում է Լեհաստան, Լիտվա, մենք դրա հետ որևէ կապ չունենք»,- Լուկաշենկոյի խոսքերն է մեջբերում ԲԵԼՏԱ պետական լրատվական գործակալությունը։
Հիշեցնենք, որ սեպտեմբերի 10-ին Լեհաստանի երկնքում նկատվել է ավելի քան 20 անօդաչու թռչող սարք, մի քանի անօդաչու թռչող սարք խոցվել է լեհական և ՆԱՏՕ-ի ավիացիայի մասնակցությամբ։ Սեպտեմբերի 16-ին Լեհաստանի վարչապետ Դոնալդ Տուսկը հայտնել էր, որ Վարշավայում երկու կառավարական շենքերի վրա անօդաչու թռչող սարք է խոցվել, ձերբակալվել է երկու քաղաքացի, այդ թվում՝ մեկ Բելառուսի քաղաքացի:
Հուլիսին էլ Լիտվայի տարածքում երկու անգամ հայտնաբերվել են Բելառուսից թռչող անօդաչու թռչող սարքեր, որոնք հիշեցրել են ռուսական դրոնները։
Թարգմանությունը՝ Էմմա Չոբանյանի
