12.09.2026 | 10:04
ՀՀ տարածքում ավտոճանապարհներն անցանելի են
Թումանյանի թանգարանը ժամանակավորապես գործում է «Հրանտ Մաթևոսյան» մշակութային կենտրոնում
Մշակույթ
15.09.2025 | 18:18
ՀՀ կրթության, գիտության, մշակույթի և սպորտի նախարար Ժաննա Անդրեասյանն այցելել է «Հրանտ Մաթևոսյան» մշակութային կենտրոն, որտեղ ժամանակավորապես գործում է Հովհաննես Թումանյանի թանգարանը՝ հաշվի առնելով, որ թանգարանի տարածքում վերակառուցման աշխատանքներ են ընթանում:
«Թանգարանի տնօրեն Լուսինե Ղարախանյանի ուղեկցությամբ նախարարը շրջայց է կատարել կենտրոնում, ծանոթացել ցուցանմուշներին, ցուցադրման պայմաններին:
ԿԳՄՍ նախարարը հետաքրքրվել է այցելուների, մասնավորապես՝ դպրոցահասակների հաճախելիությամբ, իրականացվող և նախատեսվող կրթական ծրագրերով: Լուսինե Ղարախանյանի խոսքով՝ թանգարանն իրականացնում է տարաբնույթ կրթական ծրագրեր տարբեր տարիքային խմբերի երեխաների համար, հաջողությամբ իրականացվել է «Ամառային դպրոց» ծրագիրը՝ 6-10 տարեկանների համար: Նա նաև իրազեկել է, որ թանգարանը կրթական ծրագրերով այցելում է նաև մարզային դպրոցներ, ինչպես նաև թանգարանային միջավայրում կազմակերպում է դպրոցական նախագծային աշխատանքների ցուցադրություններ»,- ասված է հաղորդագրությունում։
Քննարկվել է ավելի բարձր տարիքային խմբի աշակերտների ներգրավելու անհրաժեշտությունը՝ Թումանյանի հրապարակախոսությունը հնարավորինս հանրահռչակելու նպատակով
Նշվում է, որ առաջիկա խոշոր նախաձեռնություններից թանգարանի տնօրենը մատնանշել է Ավետիք Իսահակյանի 150-ամյակի շրջանակում հոկտեմբերին կայանալիք «Արի, Ավո ջան, արի» խորագրով ցուցադրությունը:
