07.03.2026 | 13:02
«Տենանք` կարո՞ւմ ենք մի բան անենք». Փաշինյանը Թալինում քաղաքացիների բնակարաններ է մտնում. ՏԵՍԱՆՅՈՒԹ
Սևան պաշտպանողների շեֆերը լճի շուրջը դղյակներ են կառուցել․ ՔՊ պատգամավոր․ ՏԵՍԱՆՅՈՒԹ
Տնտեսություն
12.09.2025 | 17:30
«Հետաքրքիրը գիտե՞ք ինչն է՝ այստեղ Սևան պաշտպանողների շեֆերը լճի շուրջը դղյակներ են կառուցել։ Քայլում ես գլուխդ խփում ես պատին, հարցնում ես՝ էս ումն է, ասում են՝ Սեյրան Օհանյանինը, էն մեկը՝ Ռոբերտ Քոչարյանինը, մյուսը՝ Վլադիմիր Գասպարյանինը, բա էնի՝ Սերժ Սարգսյանինը։ Ժողովո՛ւրդ ջան, էդքան Սևանի մասին մտածում էիք՝ էդ քարերը բերում էիք լցնում դղյա՞կ սարքեիք։ Որ Սևանի վրա ՀԷԿ-եր էիք կառուցում չէի՞ք մտածում, որ լճի էկոհամակարգը խախտվում է»,- այս մասին ԱԺ նիստում ասաց Գեղարքունիքի մարզից ընտրված ՔՊ պատգամավոր Նարեկ Գրիգորյանն՝ արձագանքելով ընդդիմության քննադատություններին Սևանա լճի խնդիրների վերաբերյալ։
Նշենք, որ ԱԺ արտահերթ նիստում քննարկվում է Սևանից լրացուցիչ ջրառ կատարելու մասին հարցը։ ՏԿԵ նախարար Դավիթ Խուդաթյանը տեղեկացրել է, որ գյուղացիական տնտեսություններին ոռոգման ջրով ապահովելու համար անհրաժեշտություն է առաջացել Սևանա լճից նախատեսված 170 մլն խորանարդ մետրի փոխարեն ջրառն ավելացնել 30 մլն խորանարդ մետրով՝ այսպիսով 200 մլն խորանարդ մետր ջրառ իրականացնել, ինչը հնարավորություն կտա՝ մեղմելու գյուղացիական տնտեսությունների ոռոգման ջրի պահանջի դեֆիցիտը։
Մանրամասները՝ տեսանյութում։
Մանյա Պողոսյան
