29.04.2026 | 11:32
Առողջապահության նախարար Անահիտ Ավանեսյանի ասուլիսը. ՈՒՂԻՂ
Տարին չորային է, Սևանա լճից 30 մլն խորանարդ մետր ջրառ պետք է կատարվի․ Խուդաթյան. ՏԵՍԱՆՅՈՒԹ
Տնտեսություն
12.09.2025 | 17:00
Խորհրդարանն արտահերթ նիստ է գումարել Սևանա լճից լրացուցիչ ջրառ կատարելու նպատակով։
Հիմնական զեկուցող ՏԿԵ նախարար Դավիթ Խուդաթյանը տեղեկացրեց, որ գյուղացիական տնտեսություններին ոռոգման ջրով ապահովելու համար անհրաժեշտություն է առաջացել Սևանա լճից նախատեսված 170 մլն խորանարդ մետրի փոխարեն ջրառն ավելացնել 30 մլն խորանարդ մետրով՝ այսպիսով 200 մլն խորանարդ մետր ջրառ իրականացնել, ինչը հնարավորություն կտա՝ մեղմելու գյուղացիական տնտեսությունների ջրապահանջի դեֆիցիտը։ Ընդդիմադիր պատգամավորները հետաքրքրվեցին՝ ինչու է հիմա նման նախագիծ բերվում և հրատապ կարգով քննարկվում։ Խուդաթյանն էլ պարզաբանեց, որ տարին չորային է, գյուղացիները ոռոգման ջրի խնդրի առաջ են կանգնել և նման հրատապություն է առաջացել։
«Ինչո՞ւ ենք Սևանից ջուր վերցնում, որովհետև Սևանը որոշ հատվածների, մասնավորապես՝ Կոտայքի, Արագածոտնի, Արմավիրի մարզից Էրմիջածնի տարածաշրջանի, Երևանի որոշ հատվածների և Արտաշատ բնակավայրի հարակից հատվածների համար ոռոգման միակ միջոցն է: Դրանով է պայմանավորված Սևանից ջրառը»,- հստակեցրեց նախարարը։
Մանրամասները՝ տեսանյութում։
Մանյա Պողոսյան
