03.10.2026 | 22:08
Հայաստանի հավաքականը ժամանել է Պոդգորիցա
Ուկրաինական Սու-27 է կործանվել․ օդաչուն զոհվել է
Քաղաքականություն
11.09.2025 | 20:13
Ուկրաինացի օդաչու Ալեքսանդր Բորովիկը զոհվել է Զապորոժիեի ուղղությամբ մարտական առաջադրանք կատարելիս։ Այս մասին հաղորդում է ՌԲԿ Ուկրաինան՝ հղում անելով 39-րդ մարտավարական ավիացիոն բրիգադին։
«Ցավով տեղեկացնում ենք, որ 2025 թվականի սեպտեմբերի 11-ին, ժամը 13:30-ի սահմաններում, Զապորոժիեի ուղղությամբ, Սու-27 ինքնաթիռով մարտական առաջադրանք կատարելիս, զոհվել է մեր ընկերը՝ 39-րդ մարտավարական ավիացիոն բրիգադի օդաչու, մայոր Ալեքսանդր Նիկոլաևիչ Բորովիկը», – ասվում է հայտարարության մեջ։
Օդաչուն 30 տարեկան էր։
Հիշեցնենք, օգոստոսի 23-ին էլ զոհվել էր ՄիԳ-29 կործանիչի օդաչու Սերգեյ Բոնդարը։ Դեպքը տեղի էր ունեցել մարտական առաջադրանքը կատարելուց հետո վայրէջքի ժամանակ։
Թարգմանությունը՝ Էմմա Չոբանյանի
