07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Քոչարյանի և Սարգսյանի այսօրվա տարաձայնությունը չի խանգարի, որ 2026-ին կոալիցիա կազմեն՝ Փաշինյանի վերարտադրվելը թույլ չտալու․ Վիգեն Հակոբյան. ՏԵՍԱՆՅՈՒԹ
Քաղաքականություն
11.09.2025 | 19:00
Քաղտեխնոլոգ Վիգեն Հակոբյանը Factor TV-ի հետ զրույցում ասում է, որ ՀՀ երկրորդ և երրորդ նախագահները չեն վստահում միմյանց, ինչը Փաշինյանի իմփիչմենթի գործընթացը չսկսելու հիմնական պատճառն է․ «Ռոբերտ Քոչարյանը և Սերժ Սարգսյանը չեն վստահում իրար, փոխհրաձգություններ են լինում։ Ահա թե ինչու Փաշինյանի իմփիչմենթը չսկսվեց։ Դա հնարավոր է իրականացնել, եթե գոնե նվազագույն չափով իրար վստահեն։ Քոչարյանն ասում է՝ նախընտրում է մենակ առաջ շարժվել։ Սերժ Սարգսյանի հետ մրցակից են։ Եթե իմփիչմեթը տապալվի, նրանք կուզենան, որ մեղադրանք չհնչի իրենց հասցեին։ Հեշտ կլիներ գնալ իմփիչմենթի, որ եթե տապալում լինի, մեղադրանքները չընկնեին իրենց վրա։ Հայաստան դաշինքին կարող էին մեղադրել տապալման համար»։
Քաղտեխնոլոգի խոսքով՝ անվստահության հիմնական կռվախնձորը 2018-ի հեղափոխությունն է․ «Քոչարյանի մերձավորներն ասում են՝ Սերժ Սարգսյանն է Փաշինյանին բերել իշխանության։ Այդ պատճառով էլ չի ձևավորվել փոխադարձ վստահություն»։
Միաժամանակ Հակոբյանը չի բացառել հետընտրական համագործակցությունը՝ երկրորդ և երրորդ նախագահների անհամաձայնությամբ հանդերձ․ «Սերժ Սարգսյանի և Ռոբերտ Քոչարյանի տարաձայնությունները չեն խանգարի, որ կոալիցիա կազմեն՝ Փաշինյանի վերարտադրությունը թույլ չտալու համար։ Իրավիճակը կստիպի լուրջ տարաձայնություններ ունեցող այս մարդկանց գնալ ընդհանուր քայլերի։ Եթե գործը հասնի նրան, որ ընդդիմության բոլոր ուժերը միանան, ապա Փաշինյանը չի վերարտադրվի»։
Ըստ նրա՝ Փաշինյանի իշխանության պահպանման պատճառներից մեկը հենց ընդդիմության բացթողումն է՝ միտումնավոր, թե ունակությունների պատճառով՝ ինքը չգիտի․ «Նիկոլ Փաշինյանը մինչև հիմա իշխանության է, քանի որ ընդդիմությունը խաղաղության մենաշնորհը տվել է նրան։ Չգիտեմ՝ միտումնավոր, թե սեփական ունակությունների պատճառով, բայց արժանապատիվ խաղաղության բացվածքը չկա»։
Հակոբյանը շեշտել է՝ ընդդիմությունը սեփական նարատիվների խմբագրման կարիք ունի՝ եթե լուրջ հավակնություն ունի 2026-ի հետ կապված․ «Ժողովրդին ասել՝ պատերազմ ենք ուզում, նշանակում է ինքնասպանություն։ Եթե ընդդիմությունը ուզում է իշխանափոխություն, պետք է խաղաղության այլընտրանքային ծրագիր ներկայացնի»։
Հարցազրույցն ամբողջությամբ՝ տեսանյութում։
Ռոբերտ Անանյան
