28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Մինչև օրվա վերջ Արմեն Սարգսյանն իր որոշման մասին կհայտարարի
Քաղաքականություն
23.10.2018 | 12:43
Այսօր լրանում է հոկտեմբերի 2-ին «ԱԺ կանոնակարգ» օրենքում փոփոխությունների նախագծի ընդունման 21-րդ օրը։
Նախագահ Արմեն Սարգսյանը մինչ այս պահը չի ստորագրել ԱԺ-ի ընդունած օրենքը և ոչ էլ այն վիճարկել է Սահմանադրական դատարանում։
Նախագահի օգնական Հասմիկ Պետրոսյանը Factor.am-ին ասաց, որ մինչև օրվա վերջ նախագահականը հանդես կգա պաշտոնական հայտարարությամբ համապատասխան որոշման վերաբերյալ, իսկ թե որն է որոշումը չհստակեցրեց։
Հիշեցնենք, որ այս նախագծի ընդունումից հետո վարչապետ Նիկոլ Փաշինյանը ԱԺ-ի դիմաց բազմահազարանոց բողոքի ակցիա իրականացրեց և այս օրինագծին կողմ քվեարկած պատգամավորներին էլ անվանեց հակահեղափոխականներ։ Ըստ այդ նախագծի՝ Ազգային ժողովի նիստերը չեն համարվի կայացած, եթե արտաքին խոչընդոտներով պայմանավորված պատգամավորները չեն կարողանա մասնակցել նիստին: Նախագծով նշվում է, որ այդ դեպքում նիստը կհամարվի ընդհատված և կշարունակվի այն ժամանակ, երբ խոչընդոտները կվերանան:
