07.09.2026 | 11:29
Վայոց ձորի մարզի Արենի համայնքի սեփականության իրավունքն է վերականգնվել 0.12 հա մակերեսով հողամասի նկատմամբ
«Սարոյանոտ» օրեր՝ Հայաստանում. ամերիկահայ գրողը՝ չտեսնված ռակուրսներից. ՏԵՍԱՆՅՈՒԹ
Մշակույթ
10.09.2025 | 21:10
Սեպտեմբերի 5-11-ը Հայաստանում օրերը «սարոյանոտ» են․ Վիլյամ Սարոյան հիմնադրամը ներկայացնում է «Սարոյանական օրերը», որը յուրօրինակ առիթ է՝ ծանոթանալու ամերիկահայ գրողի ստեղծագործություններին, նորովի հայացք նետելու նրա անցած ուղուն։ «Սարոյանական օրերի» շրջանակում ընթերցողի դատին հանձնվեց 22 անտիպ պատմվածք, հանրության համար բացահայտվեց Սարոյան նկարիչը՝ նախկինում չցուցադրված 100 աշխատանքով։
Վերջին 20 տարվա ընթացքում սա հանրությանը ներկայացված սարոյանական նոր գործերի ամենամեծ ծավալն է՝ գրողի արխիվից։
Վիլյամ Սարոյան հիմնադրամի նախագահ Սքոթ Սեդրակյանը շեշտում է՝ հանրության արձագանքը և արվեստասերների ներգրավվածությունը «Սարոյանական օրեր»-ին բավական տպավորիչ է։
Սարոյանական միջոցառումները ներառում են ցուցահանդեսներ, թատերական բեմադրություններ, կինոցուցադրություններ, գրական քննարկումներ, մրցույթներ։
100-ից ավելի նկարչական աշխատանքներ, օրինակ, այդ թվում՝ ինքնատիպ դիմանկարներ, Սարոյանի հեծանիվը, որը նա հայրենիքի ճանապարհներն անցնելուց հետո նվիրել է Հայաստանին, և այլ հետաքրքիր ցուցանմուշներ տեղ են գտել Ե. Չարենցի անվան Գրականության և արվեստի թանգարանում «Սարոյանական գույներ․ բառերից անդին» ժամանակավոր ցուցադրության շրջանակում։ Ցուցադրությունը կգործի մինչև հաջորդ տարվա հունվարի 30-ը։
Մանրամասները՝ տեսանյութում:
Աննա Բաբաջանյան
